രാജസ്ഥാനില് ആശങ്ക? കോൺഗ്രസ് ഹൈക്കമാൻഡിനെ കാണാൻ എം.എൽ.എമാരുമായി സചിൻ പൈലറ്റ് ഡൽഹിയിൽ; യാത്ര സംസ്ഥാന രാഷ്ട്രീയത്തിൽ ഉടലെടുത്ത പ്രശ്നങ്ങൾ പരിഹരിക്കുന്നതിനെന്ന് സൂചന
രാജസ്ഥാൻ രാഷ്ട്രീയത്തിൽ പ്രതിസന്ധി രൂക്ഷമാകുന്നതിനിടെ 12 എം.എൽ.എമാരുമായി കോൺഗ്രസ് നേതാവും ഉപമുഖ്യമന്ത്രിയുമായ സചിൻ പൈലറ്റ് ഡൽഹിയിലെത്തി. സംസ്ഥാന രാഷ്ട്രീയത്തിൽ ഉടലെടുത്ത പ്രശ്നങ്ങൾ പരിഹരിക്കുന്നതിനാണ് പൈലറ്റിൻെറ ഡൽഹി യാത്രയെന്നാണ് സൂചന.
പൈലറ്റ് ക്യാമ്പിലെ പന്ത്രണ്ടോളം എം.എല്.എമാര് ദല്ഹിയിലെ വിവിധ കേന്ദ്രങ്ങളില് എത്തിയിട്ടുണ്ടെന്നാണ് കോണ്ഗ്രസ് വൃത്തങ്ങള് നല്കുന്ന വിവരം. ശനിയാഴ്ചയാണ് പൈലറ്റ് ദല്ഹിയിലെത്തിയത്.
മുഖ്യമന്ത്രി അശോക് ഗെലോട്ടുമായി പല കാര്യങ്ങളിലും വിയോജിപ്പുള്ള എം.എല്.എമാര് ഇക്കാര്യം കേന്ദ്ര നേതൃത്വത്തെ ധരിപ്പിക്കാനാണ് ഉദ്ദേശിച്ചിരിക്കുന്നത്. എം.എല്.എ പി.ആര് മീര സോണിയ ഗാന്ധിയെ കണ്ട് കൊവിഡ് പ്രതിരോധത്തില് മുഖ്യമന്ത്രി സ്വീകരിക്കുന്ന ഏകപക്ഷീയ നിലപാടുകളോടുള്ള വിയോജിപ്പ് ധരിപ്പിച്ചിട്ടുണ്ട്
രാജസ്ഥാനിലെ പ്രതിസന്ധി കോൺഗ്രസ് സോണിയ ഗാന്ധിയുടെ നേതൃത്വത്തിൽ ചർച്ച ചെയ്യുമെന്നാണ് സൂചന. ഇതുമായി ബന്ധപ്പെട്ട വിവരങ്ങൾ കോൺഗ്രസ് അധ്യക്ഷയെ ധരിപ്പിച്ചിട്ടുണ്ട്. മധ്യപ്രദേശിൽ സംഭവിച്ചത് പോലുള്ള സാഹചര്യം രാജസ്ഥാനിൽ ആവർത്തിക്കാതിരിക്കാനുള്ള ജാഗ്രതയാണ് കോൺഗ്രസ് പുലർത്തുന്നത്. സചിൻ പൈലറ്റിനൊപ്പം പോയെതന്ന് സംശയിക്കുന്ന രണ്ട് എം.എൽ.എമാരെ കോൺഗ്രസ് നേതൃത്വത്തിന് ഇതുവരെ ബന്ധപ്പെടാൻ കഴിഞ്ഞിട്ടില്ല.
എം.എൽ.എമാർക്ക് 15 കോടി നൽകി സർക്കാറിനെ അട്ടിമറിക്കാൻ ബി.ജെ.പി ശ്രമിക്കുകയാണെന്ന ആരോപണമാണ് അശോക് ഗെഹ്ലോട്ട് ഉന്നയിച്ചത്.
https://www.facebook.com/Malayalivartha
