മധ്യപ്രദേശിലെ മൊറേന ജില്ലയില്‍ വ്യാജമദ്യം കഴിച്ച്‌​ 12 പേര്‍ മരിച്ചു. ഏഴു പേരുടെ നില ഗുരുതരമാണ്​. മന്‍പൂര്‍, പഹവാലി എന്നീ രണ്ട്​ ഗ്രാമങ്ങളിലുള്ളവരാണ്​ മരിച്ചത്​. തിങ്കളാഴ്​ച രാത്രി ഇവര്‍ വെളുത്ത നിറത്തിലുള്ള മദ്യം കഴിച്ചിരുന്നതായി പൊലീസ്​ പറയുന്നു. ഇവരില്‍ 10 പേര്‍ തിങ്കളാഴ്​ച രാത്രിയാണ്​ മരിച്ചത്​.

സംഭവത്തെക്കുറിച്ച്‌​ അന്വേഷണം തുടങ്ങിയതായി ഉന്നത പൊലീസ്​ ഉദ്യോഗസ്​ഥര്‍ അറിയിച്ചു. കഴിഞ്ഞവര്‍ഷം ഒക്​ടോബറില്‍ ഉജ്ജയിനിയിലും വിഷമദ്യ ദുരന്തമുണ്ടായി. 14 പേരാണ്​ അന്ന്​ മരിച്ചത്​. മൊറേന സംഭവത്തില്‍ കുറ്റകരമായ അനാസ്​ഥക്ക്​​ ജില്ല എക്​സൈസ്​ ഓഫിസറെ സസ്​പെന്‍ഡ്​ ചെയ്​തതായി മുഖ്യമന്ത്രി ശിവ്​രാജ്​ സിങ്​ ചൗഹാന്‍ അറിയിച്ചു. സംസ്​ഥാനത്ത്​ വ്യാജമദ്യ മാഫിയയുടെ വിളയാട്ടമാണെന്നും ഉജ്ജയിനിയില്‍ 16 പേരെ കൊന്നവര്‍ ഇപ്പോള്‍ 12 പേരെ കൂടി കൊന്നിരിക്കുന്നുവെന്നും സംസ്​ഥാന കോണ്‍ഗ്രസ്​ അധ്യക്ഷന്‍ കമല്‍ നാഥ്​ ആരോപിച്ചു.