വാരാണസിയിലെ ഗ്യാന്‍വാപി മസ്ജിദില്‍ ശിവലിംഗം കണ്ടെത്തി എന്നുള്ള വാര്‍ത്തകളാണ് പുറത്തുവരുന്നത്. ഇതോടെ മസ്ജിദ് നിര്‍മ്മാണത്തില്‍ ചില ദുരൂഹതകള്‍ ഉണ്ടെന്നുള്ള ആരോപണവും ശക്തമായിരിക്കുകയാണ്. കാശിവിശ്വനാഥ ക്ഷേത്ര ഭൂമിയില്‍ സ്ഥിതിചെയ്യുന്ന ഈ മസ്ജിദ് പണ്ട് ക്ഷേത്രം തകര്‍ത്ത് നിര്‍മ്മിച്ചതാണെന്നുള്ള വസ്തുതയാണ് പുറത്തുവരുന്നത്.

മസ്ജിദിനുള്ളിലെ നിലവറയിലാണ് ശിവലിംഗം കണ്ടെടുത്തത്. ശിവലിംഗം കണ്ടെടുത്ത ഭാഗം കോടതിയുത്തരവ് പ്രകാരം ഇപ്പോള്‍ സീല്‍ ചെയ്തിരിക്കുകയാണ്. സര്‍വേ നടത്തിയ അഡ്വക്കേറ്റ് കമ്മീഷണര്‍മാരാണ് മസ്ജിദിലെ നിലവറയില്‍ ശിവലിംഗം കണ്ടെത്തിയതായി അറിയിച്ചത്. ഏകദേശം 12 അടി ഉയരമുള്ള ശിവലിംഗമാണ് മസ്ജിദിന്റെ നിലവറയില്‍ നിന്നും കണ്ടെടുത്തത്.

മസ്ജിദിന് പുറത്തുള്ള നന്ദി വിഗ്രഹത്തിന് അഭിമുഖമായായിരുന്നു ശിവലിംഗത്തിന്റെ സ്ഥാനം. ഇതോടെയാണ് ക്ഷേത്രം പൊളിച്ച് മസ്ജിദ് പണിതു എന്നുള്ള വാദത്തിലേക്ക് ആളുകള്‍ എത്തിയത്. മസ്ജിദിന് പുറത്തെ നന്ദി വിഗ്രഹം ശിവക്ഷേത്രം നിലനിന്നിരുന്നു എന്നതിന് തെളിവാണെന്ന് സന്യാസിമാര്‍ ഉള്‍പ്പെടെ നിരവധി പേര്‍ ചൂണ്ടിക്കാട്ടിയിരുന്നു. ഇതോടെ സംഘര്‍ഷ സാധ്യത കണക്കിലെടുത്താണ് കോടതി നിര്‍ദേശങ്ങള്‍ മുന്നോട്ട് വെച്ചത്.

നിലവറ സീല്‍ചെയ്ത് പൂട്ടിയതിന് പിന്നാലെ നിലവറയ്ക്ക് സിആര്‍പിഎഫ് സുരക്ഷ ഒരുക്കാനും കോടതി നിര്‍ദ്ദേശിച്ചു. ഇതിനുപുറമെ ശിവലിംഗം കണ്ടെത്തിയ മസ്ജിദിന്റെ ഭാഗത്ത് ഇരുപതില്‍ കൂടുതല്‍ പേരെ നമാസ് നടത്താന്‍ അനുവദിക്കരുതെന്നും കോടതി അറിയിച്ചിട്ടുണ്ട്. മാത്രമല്ല അടുത്ത ദിവസം റിപ്പോര്‍ട്ട് പരിഗണിച്ച ശേഷം കോടതി തുടര്‍ നടപടികള്‍ സ്വീകരിക്കും.

ഇന്ന് സര്‍വേ പൂര്‍ത്തിയായ ശേഷമാണ് ശിവലിംഗം കണ്ടെത്തി എന്ന വിവരം അഭിഭാഷകര്‍ കോടതിയെ അറിയിച്ചത്. ഇതിനിടെ സര്‍വേയ്‌ക്കെതിരെ സുപ്രീംകോടതിയില്‍ നല്‍കിയ ഹര്‍ജി നാളെ പരിഗണിക്കും. സര്‍വേ തടയണമെന്നാവശ്യപ്പെട്ട് ഒരു അഭിഭാഷകന്‍ നല്‍കിയ ഹര്‍ജിയാണ് ജസ്റ്റിസ് ഡി.വൈ.ചന്ദ്രചൂഡിന്റെ നേതൃത്വത്തിലുള്ള ബെഞ്ച് പരിഗണിക്കുന്നത്.

ശിവലിംഗം കണ്ടെടുത്തതിനെ തുടര്‍ന്ന്, വാരാണസി കോടതിയാണ് നിലവറയുടെ പരിസരത്തേക്കുള്ള ഭാഗം സീല്‍ ചെയ്യാന്‍ ഉത്തരവിട്ടത്. സംഘര്‍ഷസാധ്യത കണക്കിലെടുത്താണ് കോടതിയുടെ ഈ നീക്കം. മാത്രമല്ല പുറത്തുനിന്നുള്ളവര്‍ക്ക് ഇവിടേക്കുള്ള പ്രവേശനത്തിന് വിലക്കും ഏര്‍പ്പെടുത്തിയിട്ടുണ്ട്. ശിവലിംഗം കണ്ടെത്തിയ സാഹചര്യത്തില്‍ മസ്ജിദ് പരിസരത്ത് സുരക്ഷയും ശക്തമാക്കിയുട്ടുണ്ടെന്നാണ് വിവരം.

കാശി വിശ്വനാഥ ക്ഷേത്രത്തിന് അടുത്ത് സ്ഥതിചെയ്യുന്ന ഗ്യാന്‍വാപി മസ്ജിദിന്റെ പടിഞ്ഞാറേ മതിലിനോട് ചേര്‍ന്നുള്ള വിഗ്രഹങ്ങളില്‍ പ്രാര്‍ത്ഥന നടത്താന്‍ അനുവാദം നല്‍കണമെന്ന് ആവശ്യപ്പെട്ട് സ്ത്രീകളാണ് കോടതിയില്‍ അപേക്ഷ നല്‍കിയത്. ശ്രിംഗാര്‍ ഗൗരി, ഗണേശ വിഗ്രഹങ്ങള്‍ എന്നിവയില്‍ എല്ലാ ദിവസവും പ്രാര്‍ത്ഥനയ്ക്ക് അനുവാദം വേണമെന്ന് ചൂണ്ടിക്കാട്ടിയായിരുന്നു അപേക്ഷ.

മാത്രമല്ല മസ്ജിദ് നില്‍ക്കുന്ന സ്ഥലത്ത് കൂടുതല്‍ വിഗ്രഹങ്ങളുണ്ടെന്നും അപേക്ഷയില്‍ പറഞ്ഞിരുന്നു. ഇക്കാര്യം അന്വേഷിക്കാനാണ് അജയ് മിശ്രയെ അഡ്വക്കേറ്റ് കമ്മീഷണറായി കോടതി നിയോഗിച്ചത്.

തുടര്‍ന്ന് നടത്തിയ സര്‍വ്വേയിലാണ് മസ്ജിദിന് അകത്തുള്ള നിലവറയില്‍ ശിവലിംഗം ഉണ്ടെന്ന് കണ്ടെത്തിയത്. ഏകദേശം 12 അടി ഉയരമുള്ള ശിവലിംഗമാണ് മസ്ജിദിന്റെ നിലവറയില്‍ നിന്നും കണ്ടെടുത്തത്. മസ്ജിദിന് പുറത്തുള്ള നന്ദി വിഗ്രഹത്തിന് അഭിമുഖമായായിരുന്നു ശിവലിംഗത്തിന്റെ സ്ഥാനം.