രക്ഷിക്കാനായി വിളിച്ചുപകരം വീഡിയോ എടുത്ത് ചതിച്ചു, യുവതി പീഡനത്തിനിരയായി
രക്ഷിക്കാനായി താന്‍ വിളിച്ചു വരുത്തിയയാള്‍ രക്ഷിക്കുന്നതിനു പകരം വിഡിയോ എടുക്കുകയായിരുന്നുവെന്ന് പൂണെ ഇന്‍ഫോസിസ് ക്യാംപസില്‍ പീഡനത്തിനിരയായ യുവതി. റെസ്റ്റ്‌റൂമില്‍ വച്ച് കൈ കഴുകുകയായിരുന്ന തന്റെ ദേഹത്തേക്ക് അയാള്‍ ചാടി വീഴുകയായിരുന്നു. തന്റെ വസ്ത്രങ്ങള്‍ മാറ്റുകയും പീഡിപ്പിക്കുകയുമായിരുന്നുവെന്നും യുവതി ഒരു ദേശീയ മാധ്യമത്തോട് പറഞ്ഞു.
സഹായത്തിനായി വിളിച്ചപേക്ഷിച്ചപ്പോള്‍ മറ്റൊരാള്‍ അവിടേക്ക് വന്നു. എന്നാല്‍ സഹായിക്കുന്നതിനു പകരം ആ ദൃശ്യങ്ങള്‍ വിഡിയോയില്‍ എടുക്കുന്നതിനാണ് അയാള്‍ ശ്രമിച്ചത്. നിങ്ങളുടെ സഹോദരിക്കു തുല്യമാണ് ഞാന്‍ എന്നു പറഞ്ഞിട്ടും അയാള്‍ കേട്ടില്ല. ചിരിച്ചു കൊണ്ടിരിക്കുകയായിരുന്നുവെന്നും യുവതി പറഞ്ഞു. എന്നാല്‍ പിന്നീട് ഈ ചിത്രങ്ങളും വിഡിയോകളും കാട്ടി അവര്‍ തന്നെ ഭീഷണിപ്പെടുത്തി. പൊലീസിനോട് പറഞ്ഞാല്‍ അത് പരസ്യമാക്കുമെന്നായിരുന്നു ഭീഷണി.
ഇനി പൂണെയില്‍ നില്‍ക്കാന്‍ സാധിക്കില്ലെന്നും തന്റെ ജീവിതം തകര്‍ന്നത് ഇവിടെ വച്ചാണെന്നും യുവതി പറ!ഞ്ഞു. ജോലിക്കായി കഴിഞ്ഞ വര്‍ഷമാണ് യുവതിയും ഭര്‍ത്താവും പൂണെയില്‍ എത്തിയത്. കഴിഞ്ഞ മാസമാണ് യുവതി ഇന്‍ഫോസിസ് കന്റീനില്‍ ജോലിക്കു കയറിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
