വ്യോമസേന ഉദ്യോഗസ്ഥരെ നേരിൽ കണ്ട്  പ്രധാനമന്ത്രി. സന്ദര്‍ശനം അപ്രതീക്ഷിതമായിരുന്നു. വ്യോമസൈനികരെ ജലന്ധറിനടുത്തുള്ള ആദംപുർ വിമാനത്താവളത്തിൽ എത്തിയാണ് അദ്ദേഹം സന്ദർശിച്ചത്. സൈനികരുമായി പ്രധാനമന്ത്രി സംസാരിച്ചു . ഓപ്പറേഷന്‍ സിന്ദൂറിന് ശേഷം പ്രധാനമന്ത്രി സൈനികര്‍ക്ക് നന്ദി അറിയിച്ചിരുന്നു.  

ഇന്ത്യ- പാകിസ്താൻ സംഘർഷങ്ങൾ അവസാനിച്ചതിന് പിന്നാലെയാണ്  സൈനികർക്ക് പ്രധാനമന്ത്രി  നന്ദി അറിയിച്ചത് .  സൈനികരെ സന്ദർശിച്ചതിന്റെ ചിത്രങ്ങൾ പ്രധാനമന്ത്രി എക്സിൽ പങ്കുവച്ചു. “വ്യോമസേനയുടെ ധീരയോദ്ധാക്കളെയും സൈനികരെയും കണ്ടു. ധൈര്യത്തിന്റെയും ദൃഢനിശ്ചയത്തിന്റെയും നിർഭയത്തിന്റെയും പ്രതീകമായ ആളുകളോടൊപ്പം സമയം ചെലവിടാൻ കഴിഞ്ഞത്  നവ്യമായ അനുഭവമായിരുന്നു. രാജ്യസുരക്ഷയ്‌ക്കായി സായുധസേന ചെയ്യുന്ന എല്ലാത്തിനും ഭാരതം എന്നും കടപ്പെട്ടിരിക്കുമെന്ന് പ്രധാനമന്ത്രി എക്സിൽ കുറിച്ചു.