ജമ്മു കശ്മീരിലെ ബുദ്ഗാമില്‍ ഭീകര പ്രവര്‍ത്തനങ്ങള്‍ നടത്താന്‍ പദ്ധതിയിട്ട മൂന്ന് ഭീകരരെ അറസ്റ്റ് ചെയ്തു
ജമ്മു കശ്മീരിലെ ബുദ്ഗാം ജില്ലയില്‍ ലഷ്‌കര്‍-ഇ-തൊയ്ബയുമായി ബന്ധമുള്ള മൂന്ന് തീവ്രവാദികളെ പിടികൂടി. ഭീകര പ്രവര്‍ത്തനങ്ങള്‍ നടത്താന്‍ പദ്ധതിയിടുകയും പ്രദേശവാസികളെ ഭീകരതയിലേക്ക് ആകര്‍ഷിക്കാന്‍ ശ്രമിക്കുകയും ചെയ്തിരുന്ന മൂന്ന് തീവ്രവാദികളെയാണ് പോലീസ് അറസ്റ്റ് ചെയ്തത്. മുസമില്‍ അഹമ്മദ്, ഇഷ്ഫാഖ് പണ്ഡിറ്റ്, മുനീര്‍ അഹമ്മദ് എന്നീ ഭീകരരെ മാഗമില്‍ നിന്ന് അറസ്റ്റ് ചെയ്തു. ഇവരില്‍ നിന്ന് പിസ്റ്റളും ഹാന്‍ഡ് ഗ്രനേഡും ഉള്‍പ്പെടെയുള്ള ആയുധങ്ങളും വെടിക്കോപ്പുകളും കണ്ടെടുത്തു.
അറസ്റ്റിലായ വ്യക്തികള്‍ക്ക് 2020 ല്‍ പാകിസ്ഥാനിലേക്ക് കടക്കുകയും പിന്നീട് സംഘടനയില്‍ ചേരുകയും ചെയ്ത സജീവ ലഷ്‌കര്‍ ഇ തൊയ്ബ ഭീകരനായ ആബിദ് ഖയൂം ലോണുമായി അടുത്ത ബന്ധമുണ്ടായിരുന്നുവെന്ന് പോലീസ് പറഞ്ഞു. ലോണ്‍ നിലവില്‍ പാകിസ്ഥാനില്‍ നിന്ന് പ്രവര്‍ത്തിക്കുന്നു, ബുദ്ഗാം ജില്ലയിലെ നര്‍ബല്‍-മഗം പ്രദേശത്ത് തദ്ദേശീയരെ തീവ്രവാദികളാക്കി മാറ്റുന്നതിലും, അവരെ തീവ്രവാദ സംഘടനകളില്‍ ചേരാന്‍ പ്രേരിപ്പിക്കുന്നതിലും, തീവ്രവാദവുമായി ബന്ധപ്പെട്ട പ്രവര്‍ത്തനങ്ങള്‍ നടത്താന്‍ നിര്‍ദ്ദേശം നല്‍കുന്നതിലും ഏര്‍പ്പെട്ടിരിക്കുന്നു.
അറസ്റ്റിലായ തീവ്രവാദ കൂട്ടാളികള്‍ ഇയാളുടെ നിര്‍ദ്ദേശങ്ങള്‍ അനുസരിച്ചാണ് പ്രവര്‍ത്തിച്ചിരുന്നതെന്നും പ്രദേശത്ത് ഭീകര പ്രവര്‍ത്തനങ്ങള്‍ നടത്തുക, ആളുകളെ തീവ്രവാദത്തിലേക്ക് ആകര്‍ഷിക്കുക, തീവ്രവാദ പ്രവര്‍ത്തനങ്ങള്‍ നടത്തുക എന്നീ ചുമതലകള്‍ ഇവര്‍ക്കുണ്ടായിരുന്നതായും പോലീസ് പറഞ്ഞു. ഈ വിഷയത്തില്‍ കൂടുതല്‍ അന്വേഷണം നടന്നുവരികയായിരുന്നു.
https://www.facebook.com/Malayalivartha
