പ്രധാനമന്ത്രി നരേന്ദ്ര മോദി മാധ്യമങ്ങളോട് സംസാരിച്ചു. ബജറ്റ് സമ്മേളനം നാരി ശക്തിയുടെ ഉത്സവം എന്ന് പ്രധാനമന്ത്രി. പുതിയ സർക്കാർ രൂപീകരിച്ചതിന് ശേഷം സമ്പൂർണ ബജറ്റ് അവതരിപ്പിക്കുന്ന രീതിയാണ് ഞങ്ങൾ പിന്തുടരാൻ ആഗ്രഹിക്കുന്നത് എന്നാണ് അദ്ദേഹം ഉറക്കെ പ്രഖ്യാപിച്ചിരിക്കുന്നത്. നാളെ കേന്ദ്ര ബജറ്റ് ആണ് പ്രതീക്ഷയോടെ വിപണി ആയിരിക്കുകയാണ്.

പാര്ലമെന്റ് സമ്മേളനത്തിന് മുന്നോടിയായിട്ടാണ് മോദി മാധ്യമങ്ങളെ കണ്ടത്. രണ്ടാം മോദി സർക്കാരിന്റെ അവസാന സമ്മേളനം ആണ് നടക്കുന്നത്. അത് ഉൽപ്പാദനക്ഷമമായിരിക്കട്ടെ എന്ന് പ്രധാനമന്ത്രി പറഞ്ഞു. .ഈ പുതിയ പാർലമെൻ്റ് മന്ദിരത്തിൽ ചേർന്ന ആദ്യ സമ്മേളനത്തിനൊടുവിൽ പാർലമെൻ്റ് നാരി ശക്തി വന്ദൻ അധീനിയം എന്ന മനോഹരമായ തീരുമാനമെടുത്തു എന്ന് അദ്ദേഹം പറഞ്ഞു.

അതിനുശേഷം, ജനുവരി 26-ന് രാജ്യം നാരീശക്തിയുടെ കഴിവും വീര്യവും ദൃഢനിശ്ചയത്തിൻ്റെ ശക്തിയും അനുഭവിച്ചതെങ്ങനെയെന്ന് നാം കണ്ടു. ബജറ്റ് സമ്മേളനം ആരംഭിക്കുമ്പോൾ, രാഷ്ട്രപതി ദ്രൗപ്ദി മുർമുവിൻ്റെ മാർഗനിർദേശവും നാളെ ഇടക്കാല ബജറ്റ് അവതരിപ്പിക്കുമ്പോൾ നിർമല സീതാരാമനും ഒരു തരത്തിൽ നാരീശക്തിയുടെ തെളിവാണ് എന്നും അദ്ദേഹം പറഞ്ഞു.

"ഇത്തവണ, രാജ്യത്തിൻ്റെ ധനമന്ത്രി നിർമ്മല സീതാരാമൻ 'ദിശ-നിർദേശക് ബാത്തേൻ' എന്ന ബജറ്റ് അവതരിപ്പിക്കും. രാജ്യം ഓരോ ദിവസവും പുരോഗതിയുടെ പുതിയ ഉയരങ്ങൾ താണ്ടി മുന്നോട്ട് പോകുന്നുവെന്ന് എനിക്ക് ഉറച്ച വിശ്വാസമുണ്ട്. എല്ലാവരേയും ഉൾക്കൊള്ളുന്നു. വികസനം നടക്കുന്നു, ജനങ്ങളുടെ അനുഗ്രഹത്തോടെ ഈ യാത്ര തുടരും..."എന്നും അദ്ദേഹം പറഞ്ഞു.