ട്രാഫിക്ക് പിഴകളിൽ 50 ശതമാനം ഇളവ്; വിശദീകരണവുമായി പോലീസ് രംഗത്ത്
യൂ എ ഇ യിൽ ഗതാഗത നിയമലംഘനങ്ങള്‍ക്കുള്ള പിഴ ശിക്ഷകളില്‍ 50 ശതമാനം ഇളവെന്ന് സാമൂഹ്യ മാധ്യമങ്ങളിലെ പ്രചാരണത്തിൽ വിശദീകരണവുമായി ഷാര്‍ജ പൊലീസ് രംഗത്ത്.ഇപ്പോള്‍ ഇളവെന്ന പേരില്‍ സാമൂഹിക മാധ്യമങ്ങളില്‍ പ്രചരിക്കുന്ന സന്ദേശം 2017 ഒക്ടോബറിലേതാണെന്ന് ഷാര്‍ജ പൊലീസ് ജനറല്‍ ഡയറക്ടറേറ്റ് അറിയിച്ചു.
സുവര്‍ണ ജൂബിലി ആഘോഷങ്ങളുടെ ഭാഗമായാണ് കഴിഞ്ഞ വര്‍ഷം ഗതാഗത നിയമലംഘനങ്ങള്‍ക്കുള്ള പിഴ ശിക്ഷയില്‍ ഷാര്‍ജ പൊലീസ് ഇളവ് അനുവദിച്ചത്. ഇത് സംബന്ധിച്ച് അന്ന് പുറപ്പെടുവിച്ച അറയിപ്പ് ചിലര്‍ ഇപ്പോള്‍ വീണ്ടും സാമൂഹിക മാധ്യമങ്ങളില്‍ പോസ്റ്റ് ചെയ്യുകയായിരുന്നു. ഇതാണിപ്പോൾ തെറ്റിദ്ധാരണയ്ക്ക് കാരണമായതെന്ന് പൊലീസ് വിശദീകരിക്കുന്നു.
ഇത്തരം വിവരങ്ങള്‍ സാമൂഹിക മാധ്യമങ്ങളിലൂടെ ലഭിക്കുമ്പോള്‍ അവ സത്യമാണോ എന്ന് ഷാര്‍ജ പൊലീസിന്റെ ഔദ്ദ്യോഗിക വെബ്സൈറ്റോ ഔദ്ദ്യോഗിക സോഷ്യല്‍ മീഡിയ അക്കൗണ്ടുകളോ പരിശോധിച്ച് ഉറപ്പുവരുത്തണമെന്നും പൊലീസ് അറിയിച്ചു.
https://www.facebook.com/Malayalivartha
