കൊറോണ വൈറസ് വ്യാപനത്തിന്റെ പശ്ചാത്തലത്തിൽ വിദേശങ്ങളിൽ നിന്നും നാട്ടിലേക്ക് മടങ്ങിയെത്തുന്ന പ്രവാസികൾക്കായി വ്യവസായ വകുപ്പ് പ്രവാസി വിവരശേഖരണ പോർട്ടൽ തുടങ്ങി. വ്യവസായ മന്ത്രി ഇ.പി ജയരാജൻ പോർട്ടൽ ഉദ്ഘാടനം ചെയ്യുകയുണ്ടായി. സംരംഭങ്ങളും തൊഴിലും ഉറപ്പാക്കാൻ‌ സഹായിക്കുന്ന രീതിയിലാണ്‌ പോർട്ടൽ ഒരുക്കിയിട്ടുള്ളത്‌. ഇതിലൂടെ പ്രവാസികൾക്ക് അടിസ്ഥാന വിവരങ്ങൾ, നൈപുണ്യ വിശദാംശം, താൽപ്പര്യമുള്ള മേഖല എന്നിവ രേഖപ്പെടുത്താവുന്നതാണ്.www.industry.kerala.gov.in ൽ പോർട്ടലിന്റെ ലിങ്ക് ലഭിക്കുന്നതായിരിക്കും.

അതോടൊപ്പം തന്നെ കെൽട്രോണാണ് പോർട്ടൽ തയ്യാറാക്കിയത്. വ്യാവസായിക, കൃഷി ആവശ്യങ്ങൾക്ക് വാടകയ്‌ക്കോ പാട്ടത്തിനോ നൽകാൻ സ്വന്തമായി സ്ഥലം, കെട്ടിടം എന്നിവയുള്ളവർക്കും‌ വിവരങ്ങൾ പോർട്ടലിൽ പ്രവാസികൾക്ക് നൽകാവുന്നതാണ്. സംരംഭകരാകാൻ താൽപ്പര്യമുള്ളവർക്ക് ബ്ലോക്ക്, മുനിസിപ്പാലിറ്റി, കോർപറേഷൻ വ്യവസായ വികസന ഓഫീസർവഴി സഹായം നൽകുകായും ചെയ്യുന്നതായിരിക്കും. ചടങ്ങിൽ വ്യവസായ വകുപ്പ് പ്രിൻസിപ്പൽ സെക്രട്ടറി ഡോ. ഇളങ്കോവൻ, ഡയറക്ടർ വി ആർ പ്രേംകുമാർ എന്നിവരും പങ്കെടുക്കുകയുണ്ടായി.

അതേസമയം സർക്കാരിന്റെ ഇപ്പോഴത്തെ പെരുമാറ്റം കൈവിട്ട പോലെയാണെന്നും കൊവിഡിനെ നേരിടുന്നതിൽ സംസ്ഥാന സർക്കാർ കുറച്ചുകൂടി കാര്യക്ഷമത കാണിക്കണമെന്നും പി.കെ.കുഞ്ഞാലിക്കുട്ടി എം.പി വ്യക്തമാക്കുകയുണ്ടായി. വിദേശത്ത് കുടിങ്ങിയവർ അവിടെ കിടക്കട്ടെ എന്നാണ് സർക്കാരിന്റെ നിലപാട് എന്നാണ് അദ്ദേഹം വ്യക്തമാക്കിയത്. പ്രവാസികളുടെ കാര്യത്തിൽ സർക്കാർ കുറച്ചുകൂടി താത്പര്യം കാണിക്കണം എന്നും സംസ്ഥാനത്ത് നിലവിലുള്ള ക്വാറന്റൈൻ സൗകര്യങ്ങൾ കുറ്റമറ്റതല്ല എന്നും ചൂണ്ടിക്കാട്ടി. ഇതേത്തുടർന് കേരളത്തിലെ നാട്ടുംപുറങ്ങളിൽ ക്വാറന്റൈൻ ഒരുക്കാനുള്ള സൗകര്യമുണ്ട് എന്നും പറയുകയുണ്ടായി.