ബഹ്റൈനിലെ സ്കൂളുകളിൽനിന്ന് ടി.സി വാങ്ങിയ കുട്ടികൾ; തുടർ വിദ്യാഭ്യാസത്തിനായി നാട്ടിലേക്ക്, ലോക്ഡൗൺ കാരണം ഇവിടെ കുടുങ്ങിയ വിദ്യാർഥികൾക്ക് പഠനം മുടങ്ങി
തുടർ വിദ്യാഭ്യാസം നാട്ടിലാക്കാൻ ബഹ്റൈനിലെ സ്കൂളുകളിൽനിന്ന് ടി.സി വാങ്ങിയ കുട്ടികൾ നാട്ടിൽ പോകാൻ കഴിയാതെ കുടുങ്ങിയിരിക്കുകയാണ്. ലോക്ഡൗൺ കാരണം ഇവിടെ കുടുങ്ങിയ വിദ്യാർഥികൾ എംബസിയിൽ പേര് രജിസ്റ്റർ ചെയ്ത് തങ്ങളുടെ ഊഴം കാത്തിരിക്കുകയാണ്. ഇതേതുടർന്ന് നിരവധി തവണ ശ്രമിച്ചെങ്കിലും ഇതുവരെ എംബസ്സിയിൽ നിന്നോ എയർ ഇന്ത്യ ഓഫീസിൽ നിന്നോ വിളി എത്തിയില്ലെന്ന് രക്ഷിതാക്കൾ പറയുന്നു. വിവിധ കാരണങ്ങളാലാണ് ഇവർ തുടർ പഠനം നാട്ടിൽ ആക്കാൻ തീരുമാനിച്ചത്. എന്നാൽ ജൂൺ ഒന്നിന് തന്നെ നാട്ടിലെ സ്കൂളുകളിൽ ഒാൺലൈൻ ക്ലാസുകൾ ആരംഭിച്ചുകഴിഞ്ഞു.
അതോടൊപ്പം ബഹ്റൈനിലെ സ്കൂളുകളിലും ഒാൺലൈൻ ക്ലാസുകൾ നടക്കുന്നുണ്ട്. ഇൗ ക്ലാസുകളിലൊന്നും പെങ്കടുക്കാൻ പറ്റാത്ത അവസ്ഥയിലാണ് ഇവർ ഇപ്പോൾ കഴിയുന്നത്. മാർച്ചിൽ തന്നെ നാട്ടിലേക്ക് പോകാൻ ടിക്കറ്റെടുത്തവരാണ് ഒട്ടുമിക്കവരും. എന്നാൽ, അപ്രതീക്ഷിതമായുണ്ടായ ലോക്ഡൗൺ ഇവരുടെ യാത്ര മുടക്കിയിരുന്നു. ഇന്ത്യൻ എംബസിയിൽ രജിസ്റ്റർ ചെയ്തവരിൽനിന്ന് മുൻഗണന ക്രമത്തിലാണ് യാത്രക്കാരെ നാട്ടിലേക്ക് കൊണ്ടുപോകുന്നത്. തങ്ങളെയും എത്രയും വേഗം നാട്ടിലെത്തിക്കാൻ നടപടി വേണമെന്ന് ഇവർ ആവശ്യപ്പെടുകയാണ് വിദ്യാർത്ഥികൾ.
https://www.facebook.com/Malayalivartha