കുവൈത്തില് ഓഗസ്റ്റില് രാജ്യാന്തര വിമാന സര്വീസ് പുനരാരംഭിക്കുന്നതുമായി ബന്ധപ്പെട്ട് വ്യോമയാന വകുപ്പ് പുറപ്പെടുവിച്ച പുതിയ മാര്ഗ നിര്ദ്ദേശങ്ങളിങ്ങനെ...
കുവൈത്തില് ഓഗസ്റ്റില് രാജ്യാന്തര വിമാന സര്വീസ് പുനരാരംഭിക്കുന്നതുമായി ബന്ധപ്പെട്ട് വ്യോമയാന വകുപ്പ് പുതിയ മാര്ഗ നിര്ദേശങ്ങള് പുറപ്പെടുവിച്ചു. വരുന്നവര്ക്കും പോകുന്നവര്ക്കും വിമാന കമ്പനികള്ക്കും പ്രത്യേകം നിര്ദേശം നല്കിയിട്ടുണ്ട്.
കുവൈത്തിലേക്ക് വരുന്നവര്ക്കുള്ള നിര്ദേശങ്ങള്
അറ്റസ്റ്റ് ചെയ്ത കോവിഡ് നെഗറ്റീവ് സര്ട്ടിഫിക്കറ്റ് വിമാനത്താവളത്തില് ഹാജരാക്കുക
ക്വാറന്റീനില് കഴിയാമെന്ന സത്യവാങ്മൂലം നല്കുക
വിമാനത്താവളത്തില് കോവിഡ് പരിശോധനയ്ക്ക് സന്നദ്ധരാവുക
വിമാനത്തില് കയറുന്നതിനും ഇറങ്ങുന്നതിനും മുന്പ് താപനില രേഖപ്പെടുത്തി അധികൃതരെ കാണിക്കുക
മാസ്കും ഗ്ലൗസും ധരിക്കുക
വിമാന കമ്പനികള്ക്കുള്ള നിര്ദേശങ്ങള്
ആരോഗ്യ പരിശോധനയ്ക്ക് വിധേയമാക്കി യാത്രക്കാരില് രോഗികള് ഇല്ല ഉറപ്പാക്കുക
കോവിഡ് മുക്ത സര്ട്ടിഫിക്കറ്റ് ആവശ്യപ്പെടുന്ന രാജ്യങ്ങളിലേക്കുള്ള യാത്രക്കാര്ക്ക് അവ ലഭ്യമാക്കുക
മാസ്കും ഗ്ലൗസും ധരിച്ചെന്ന് ഉറപ്പാക്കുക.
ജൂലൈ ഒമ്പത് രാവിലെ അഞ്ചുമണി മുതല് ജലീബ് അല് ശുയൂഖ്, മഹബൂല എന്നിവിടങ്ങളിലെ ഐസൊലേഷന് നീക്കാന് കുവൈത്ത് മന്ത്രിസഭ തീരുമാനിച്ചു. മൂന്നുമാസമായി തുടരുന്ന ലോക്ക് ഡൗണ് പിന്വലിക്കുന്നതോടെ നിരവധി പ്രവാസി തൊഴിലാളികള്ക്ക് ആശ്വാസമാവും. പ്രദേശം വിട്ട് പുറത്തുപോവാന് കഴിയാത്തതിനാല് നിരവധി പേരാണ് ജോലിയില്ലാതെ ദുരിതത്തിലായിരുന്നത്. കോവിഡ് പ്രതിരോധത്തിനായുള്ള നിയന്ത്രണങ്ങള് പതിയെ നീക്കി സാധാരണ ജീവിതത്തിലേക്ക് തിരികെ കൊണ്ടുവരാനാണ് മന്ത്രിസഭ തീരുമാനം. കഴിഞ്ഞ ഏപ്രില് ആറ് മുതലാണ് മഹബൂല, ജലീബ് അല് ശുയൂഖ് പ്രദേശങ്ങളില് ലോക്ക് ഡൗണ് ഏര്പ്പെടുത്തിയത്.
"
https://www.facebook.com/Malayalivartha
