ബ്രിട്ടനില് 14 ദിവസത്തെ ക്വാറന്റീന് നിബന്ധനകളില് 59 രാജ്യങ്ങള്ക്ക് ഇളവ്... പബ്ബുകള് ഇന്നു തുറക്കും, പുതിയ മുഖവുമായി ബ്രിട്ടന്
ബ്രിട്ടനില് 14 ദിവസത്തെ ക്വാറന്റീന് നിബന്ധനകളില് 59 രാജ്യങ്ങള്ക്ക് ഇളവ് അനുവദിച്ചു. ഈ രാജ്യങ്ങളില്നിന്നുള്ളവര്ക്കും ഇവിടം സന്ദര്ശിച്ച് മടങ്ങിയെത്തുന്ന ബ്രിട്ടിഷുകാര്ക്കും ക്വാറന്റീന് ബാധകമാകില്ല. ട്രാവല്, ടൂറിസം ഇന്ഡസ്ട്രിയുടെ സമ്മര്ദമാണ് ഇത്തരത്തില് കോവിഡ് കുറഞ്ഞ രാജ്യങ്ങള്ക്കു ക്വാറന്റീന് ഇളവ് അനുവദിക്കാന് ബ്രിട്ടനെ പ്രേരിപ്പിച്ചത്.
നേരത്തെ യൂറോപ്പിലെ രാജ്യങ്ങളെ റെഡ്, ആംബര്, ഗ്രീന് എന്നിങ്ങനെ മൂന്നു കാറ്റഗറിയാക്കി തിരിച്ചിരുന്നു. ഗ്രീനില് ഉള്പ്പെടുന്ന പത്തിലേറെ രാജ്യങ്ങളിലേക്ക് ട്രാവല് കോറിഡോര് ഏര്പ്പെടുത്താന് സര്ക്കാര് ആലോചിച്ചിരുന്നു. ഇതിനു പകരമാണ് ഇപ്പോള് 59 രാജ്യങ്ങള്ക്ക് ഈമാസം 10 മുതല് ക്വാറന്റീന് ഇളവ് അനുവദിക്കുന്നത്.
ബ്രിട്ടന് ഇളവ് അനുവദിച്ചെങ്കിലും ഗ്രീസ്, ഓസ്ട്രിയ, ന്യൂസീലന്ഡ്, ഓസ്ട്രേലിയ എന്നീ രാജ്യങ്ങള് ബ്രിട്ടിഷുകാര്ക്ക് ഇളവ് അനുവദിച്ചിട്ടില്ല. ഫ്രാന്സ്, സ്പെയിന്, ഇറ്റലി, തുര്ക്കി തുടങ്ങി മിക്കവാറും എല്ലാ യൂറോപ്യന് രാജ്യങ്ങള്ക്കും ഇളവ് ബാധകമാണ്. എന്നാല് അമേരിക്ക, റഷ്യ, ചൈന, ഇന്ത്യ, സ്വീഡന്, പോര്ച്ചുഗല് എന്നീ രാജ്യങ്ങള്ക്ക് ഇളവില്ല. പുതിയ ഇളവുകള് പ്രാബല്യത്തിലാകുന്നതോടെ യൂറോപ്പിലെ ടൂറിസം, വ്യോമയാന മേഖലകളില് വലിയ ഉണര്വ് ഉണ്ടാകുമെന്നാണ് പ്രതീക്ഷ.
മൂന്നുമാസത്തെ ഇടവേളയ്ക്കുശേഷം ബ്രിട്ടനില് ഇന്ന് പബ്ബുകള് തുറക്കുകയാണ്. ഞായറാഴ്ച മുതല് പള്ളികളും തുറക്കും. ബാര്ബര് ഷോപ്പുകളും ഹോട്ടലുകളും റസ്റ്ററന്റുകളും ഉള്പ്പെടെയുള്ള വിവിധ ഹോസ്പിറ്റാലിറ്റി സര്വീസുകളും പുനഃരാരംഭിക്കും. സര്ക്കാര് നല്കുന്ന ഈ അവസരം അമിത സ്വാതന്ത്ര്യമായി ദുരുപയോഗിക്കരുതെന്ന് പ്രധാനമന്ത്രി ബോറിസ് ജോണ്സണ് അഭ്യര്ഥിച്ചു.
ഈ വാരാന്ത്യത്തില് താനും നിര്ബന്ധമായും പിന്റ് ബിയര് ആസ്വദിക്കുമെന്നും എല്ലാവരും സുരക്ഷിതമായി വേനല്ക്കാലം ആസ്വദിക്കണമെന്നും ബോറിസ് പറഞ്ഞു. 137 കോവിഡ് മരണങ്ങളാണ് ഇന്നലെ ബ്രിട്ടനില് റിപ്പോര്ട്ട് ചെയ്തത്. ഇതോടെ ആകെ മരണസംഖ്യ 44,131 ആയി.
വിഡ് മരണങ്ങളുടെ കണക്കില് കുറവുവന്നെങ്കിലും ദിവസവും ബ്രിട്ടനില് തൊഴില് നഷ്ടങ്ങളുടെ എണ്ണം കൂടിവരുന്നു. ആയിരക്കണക്കിന് തൊഴില് നഷ്ടങ്ങളുടെ കണക്കാണു വന്കിട കമ്പനികള് ദിവസവും പുറത്തുവിടുന്നത്. കോവിഡ് മരണത്തിന്റെ ദുരന്തത്തേക്കാള് വലുതായിരിക്കും തൊഴില് നഷ്ടത്തിന്റെ കണക്കുകള് എന്നാണു പുറത്തുവരുന്ന സൂചനകള്. ലോകത്തിലെ ഏറ്റവും വലിയ വിമാനനിര്മാണ കമ്പനിയായ എയര്ബസ് 15,000 ജീവനക്കാരെയാണ് പിരിച്ചുവിടുമെന്ന് പ്രഖ്യാപിച്ചത്. ജര്മനിയില് 5100 പേര്ക്കും ഫ്രാന്സില് 5000 പേര്ക്കും ബ്രിട്ടനില് 1700 പേര്ക്കും സ്പെയിനില് 900 പേര്ക്കും മറ്റു രാജ്യങ്ങളില് 1300 പേര്ക്കുമാകും തൊഴില് നഷ്ടമാകുക. ഇതെല്ലം തന്നെയാണ് പുതിയ തീരുമാങ്ങളെടുക്കാന് ബ്രിട്ടനെ പ്രേരിപ്പിച്ചത്
https://www.facebook.com/Malayalivartha
