യുകെയുടെ നിര്ണായക ചുവടുവയ്പ്പ് ... കോവിഡ് ആന്റിബോഡി പരിശോധനാ പരീക്ഷണങ്ങളുടെ ആദ്യഘട്ടം വിജയിച്ചതിനു പിന്നാലെ ദശലക്ഷക്കണക്കിന് ആളുകളില് സൗജന്യ പരിശോധനയ്ക്ക് ഒരുങ്ങി യുകെ സര്ക്കാര്, അതിവേഗ ആന്റിബോഡി ടെസ്റ്റ് കിറ്റ്... 20 മിനിറ്റില് പരിശോധനാ ഫലമറിയാം
ചൈനയില് നിന്ന് തുടക്കമിട്ട കൊറോണ വൈറസ് ബാധ ഇതുവരെ ലോകത്ത് ലക്ഷക്കണക്കിന് ആളുകളുടെ ജീവനെടുത്ത് കഴിഞ്ഞു. ഇന്ത്യ അടക്കം 200 ലേറെ രാജ്യങ്ങളിലാണ് കൊറോണയുടെ പിടിയില് അമര്ന്നിരിക്കുന്നത്
കോവിഡ് ആന്റിബോഡി പരിശോധനാ പരീക്ഷണങ്ങളുടെ ആദ്യഘട്ടം വിജയിച്ചതിനു പിന്നാലെ ദശലക്ഷക്കണക്കിന് ആളുകളില് സൗജന്യ പരിശോധനയ്ക്ക് ഒരുങ്ങി യുകെ സര്ക്കാര്. ഓക്സ്ഫഡ് സര്വകലാശാലയും രാജ്യത്തെ പ്രമുഖ ഡയഗ്നോസ്റ്റിക്സ് സ്ഥാപനങ്ങളുമായും ചേര്ന്ന് യുകെ റാപ്പിഡ് ടെസ്റ്റ് കണ്സോര്ഷ്യമാണ് (യുകെആര്ടിസി) ആന്റിബോഡി പരിശോധനാ കിറ്റ് വികസിപ്പിച്ചെടുത്തത്
കഴിഞ്ഞ മാസം നടത്തിയ പരീക്ഷണങ്ങളില് 98.6 ശതമാനം കൃത്യതയാണ് കോവിഡ് കിറ്റ് രേഖപ്പെടുത്തിയത്. കുറഞ്ഞ ചെലവില്, 20 മിനിറ്റില് ഫലമറിയാന് സാധിക്കും. ആന്റിബോഡി ടെസ്റ്റില് 98.6 ശതമാനം കൃത്യത കണ്ടെത്തിയത് വളരെ നല്ല വാര്ത്തയാണെന്ന് യുകെആര്ടിസി മേധാവി ക്രിസ് ഹാന്ഡ് പറഞ്ഞു.
ഈ വര്ഷംതന്നെ ആയിരക്കണക്കിന് ടെസ്റ്റ് കിറ്റുകള് വാങ്ങുന്നത് സംബന്ധിച്ച് ആരോഗ്യവകുപ്പ് യുകെ-ആര്ടിസിയുമായി ചര്ച്ചകള് നടത്തിയെന്നും അദ്ദേഹം പറഞ്ഞു. ടെസ്റ്റ് കിറ്റിനുള്ള അന്തിമ അനുമതി അടുത്ത ആഴ്ചയോടു കൂടി മാത്രമെ ലഭിക്കൂ.
എങ്കിലും ഇതിനോടകം തന്നെ ആയിരക്കണക്കിനു പ്രോട്ടോടൈപ്പുകള് യുകെയിലെ വിവിധ ഫാക്ടറികളിലായി നിര്മിച്ചു കഴിഞ്ഞു. സൂപ്പര് മാര്ക്കറ്റുകള്ക്ക് പകരം ഓണ്ലൈന് വിപണിയില് ആന്റിബോഡി ടെസ്റ്റ് കിറ്റ് ലഭ്യമാക്കുന്നതിനാണ് സര്ക്കാര് ശ്രമം..
അതിനിടയില് ഇന്ത്യയിലെ കൊവിഡ് വ്യാപനം അതി തീവ്രം. സംസ്ഥാനങ്ങള് പുറത്ത് വിട്ട കണക്ക് പ്രകാരം ആകെ രോഗബാധിതര് പത്ത് ലക്ഷത്തി എഴുപതിനായിരത്തില് എത്തിയേക്കും. മഹാരാഷ്ട്രയില് കൊവിഡ് ബാധിതര് മൂന്ന് ലക്ഷം കടന്നു. മുംബൈയില് മാത്രം ഒരു ലക്ഷം കൊവിഡ് കേസുകളായി. തമിഴ്നാട്ടിലും കര്ണ്ണാടകയിലും തുടര്ച്ചയായി നാലായിരത്തിലേറെ കേസുകളാണ് റിപ്പോര്ട്ട് ചെയ്യുന്നത്. ആന്ധ്രപ്രദേശിലും വന്വര്ദ്ധനയാണ് ഇന്നലെയുണ്ടായത്. മൂവായിരത്തി തൊള്ളായിരം കേസുകളാണ് 24 മണിക്കൂറിനിടയില് സംസ്ഥാനത്ത് റിപ്പോര്ട്ട് ചെയ്തത്.
"
https://www.facebook.com/Malayalivartha
