വിസ കാലാവധി കഴിഞ്ഞതിനെ തുടര്ന്ന് നാട്ടിലേക്കു മടങ്ങാനുള്ള അവസരം കാത്തിരിക്കുന്നവര് അറിയാന്.... അപേക്ഷിക്കേണ്ടതിങ്ങനെ...
വിസ കാലാവധി കഴിഞ്ഞതിനെ തുടര്ന്ന് നാട്ടിലേക്കു മടങ്ങാനുള്ള അവസരം കാത്തിരിക്കുന്ന നിരവധിപ്പേരുണ്ട് ദുബൈയില്. അതുകൊണ്ടുതന്നെ പിഴ അടക്കാതെ നാട്ടിലേക്ക് മടങ്ങാനുള്ള അവസരം വിനിയോഗിക്കുന്നവര് ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് മുന്നറിയിപ്പ് നല്കിയിരിക്കുകയാണ് ഇന്ത്യന് എംബസി . പിഴ അടക്കാതെ നാട്ടിലേക്ക് മടങ്ങുന്നവര് ഇന്ത്യന് കോണ്സുലേറ്റിലും എംബസിയിലും അപേക്ഷ നല്കണം. ഇന്ത്യന് എംബസി പത്രക്കുറിപ്പിലാണ് ഇക്കാര്യം അറിയിച്ചത്. മാര്ച്ച് ഒന്നിന് മുമ്പ് വിസ കാലാവധി കഴിഞ്ഞവര് ആഗസ്റ്റ് 17നുള്ളില് രാജ്യം വിട്ടാല് വിസ പിഴ അടക്കേണ്ടതില്ല എന്ന് യു.എ.ഇ അറിയിച്ചിരുന്നു. ഈ അവസരം വിനിയോഗിക്കുന്നവരാണ് എംബസിയിലും കോണ്സുലേറ്റിലും അപേക്ഷിക്കേണ്ടത്. ഇതിനായി നിശ്ചിത ഫോറം പുറത്തിറക്കിയിട്ടുണ്ട്.
അബൂദബി എമിറേറ്റില് താമസിക്കുന്നവരും അബൂദബിയില് നിന്ന് വിസ എടുത്തവരും ഇന്ത്യന് എംബസിയിലാണ് (ഇമെയില്: രമ.മയൗറവമയശ@ാലമ.ഴീ്.ശി) അപേക്ഷിക്കേണ്ടത്. മറ്റ് എമിറേറ്റുകളിലുള്ളവര് ദുബൈയിലെ ഇന്ത്യന് കോണ്സുലേറ്റിലാണ് (രീി2െ.റൗയമശ@ാലമ.ഴീ്.ശി) അപേക്ഷിക്കേണ്ടത്. ഇ-മെയില് വഴി അപേക്ഷ സമര്പ്പിക്കാം. ഇതിന് കഴിയാത്തവര്ക്ക് കോണ്സുലേറ്റിലെയും എംബസിയിലെയും ഡ്രോപ് ബോക്സുകള് വഴി നേരിട്ട് അപേക്ഷിക്കാം. അപേക്ഷ ഫോറം ഇന്ത്യന് കോണ്സുലേറ്റിന്റെയും എംബസിയുടെയും സൈറ്റിലും സോഷ്യല് മീഡിയ പേജുകളിലും ലഭ്യമാണ്. പാസ്പോര്ട്ട് വിവരങ്ങള്, മൊബൈല് നമ്പര്, ഇ-മെയില് വിലാസം, വിസ കോപ്പി എന്നിവയുടെ വിവരങ്ങള് രേഖപ്പെടുത്തണം. ഇവയുടെ കോപ്പികളും നല്കണം. യാത്രയുടെ ഏഴ് ദിവസം മുെമ്പങ്കിലും അപേക്ഷ നല്കണം.
യാത്രക്ക് മുമ്പ് പാസ്പോര്ട്ട് ഉള്പ്പെടെയുള്ള രേഖകള് ഉണ്ടെന്ന് ഉറപ്പുവരുത്തണം. പാസ്പോര്ട്ട് കൈവശമില്ലാത്തവര് എംബസിയുമായോ കോണ്സുലേറ്റുമായോ ബന്ധപ്പെട്ട് ഇത് ലഭ്യമാക്കാന് സൗകര്യം ചെയ്യണം. ഇതിന് ശേഷം മാത്രമേ വിസ പിഴയിളവിന് അപേക്ഷിക്കാവൂ. കോണ്സുലേറ്റിലും എംബസിയിലും ലഭിക്കുന്ന അപേക്ഷകള് യു.എ.ഇ അധികൃതര്ക്ക് കൈമാറും. ഇവരും അനുമതി നല്കുന്നതോടെ അപേക്ഷകനെ ഫോണിലോ ഇ-മെയിലായോ വിവരം അറിയിക്കും. അപേക്ഷ നല്കിയ ശേഷം അഞ്ച് ദിവസത്തിനുള്ളില് (വര്ക്കിങ് ഡേ) വിവരം അറിയിക്കും. യാത്രാനുമതി ലഭിക്കുന്നവര് കഴിയുന്നത്ര വേഗത്തില് നാട്ടിലേക്ക് തിരിക്കണം. കോവിഡ് പശ്ചാത്തലത്തില് എംബസിയുടെയും കോണ്സുലേറ്റിന്റെയും മുന്നില് വരിനില്ക്കുന്നത് ഒഴിവാക്കണമെന്നും എംബസി അധികൃതര് അറിയിച്ചു.
"
https://www.facebook.com/Malayalivartha
