പരിശോധനാ കേന്ദ്രങ്ങളില്ല... യുഎഇയിലേക്ക് മടങ്ങാന് കാത്തിരിക്കുന്നവര് വീണ്ടും പ്രതിസന്ധിയില്...
യുഎഇയിലേക്ക് മടങ്ങാന് കാത്തിരിക്കുന്നവര് വീണ്ടും പ്രതിസന്ധിയിലായിരിക്കുകയാണ് . നിര്ദിഷ്ട കോവിഡ് പരിശോധനാ കേന്ദ്രങ്ങളില് നിന്ന് നെഗറ്റീവ് സര്ട്ടിഫിക്കറ്റ് ഹാജരാക്കണമെന്ന നിര്ദേശമാണ് തിരിച്ചടിയായത്.
മുന്പ് പരിശോധന നടത്തി സര്ട്ടിഫിക്കറ്റ് നേടിയ ചിലര്ക്കും യാത്രാനുമതി നിഷേധിച്ചതോടെയാണ് ആശങ്ക വര്ധിച്ചത്. മുന്പ് അംഗീകൃതമായിരുന്ന പല കേന്ദ്രങ്ങളും പുതിയ പട്ടികയില് ഇല്ലാത്തതും പ്രവാസികള്ക്ക് വലിയ തിരിച്ചടിയായി..
ഫെഡറല് അതോറിറ്റി ഓഫ് സിറ്റിസണ്ഷിപ്പ്(ഐസിഎ), ജനറല് ഡയറക്ടറേറ്റ് ഓഫ് റസിഡന്സി ആന്ഡ് ഫോറിന് അഫയേഴ്സ്(ജിഡിആര്എഫ്എ) എന്നിവരാണ് യുഎഇലേക്ക് മടക്കയാത്രയ്ക്ക് അംഗീകാരം നല്കുന്നത്. ഇവര് പുതിയതായി പ്രസിദ്ധീകരിച്ച കോവിഡ് പരിശോധനാ കേന്ദ്രങ്ങളില് മുന്പ് ഉണ്ടായിരുന്നവ പലതും ഇല്ല. ഉള്ള കേന്ദ്രങ്ങളാകട്ടെ പലതും വടക്കന് ജില്ലകളില് മാത്രവും. ഇതാണ് യാത്രക്കാരെ വലച്ചത്.
ഇവിടം വരെ യാത്ര ചെയ്തു പരിശോധന നടത്താമെന്ന് വച്ചാല്ത്തന്നെ 26 വരെ മാത്രമാണ് ഇന്ത്യ-യുഎഇ പ്രവാസി യാത്രാ കരാറിന്റെ കാലാവധി. കോഴിക്കോട്ട് രണ്ട് കേന്ദ്രങ്ങളും, കൊയിലാണ്ടി, കുറ്റ്യാടി,പാലക്കാട് എന്നിവിടങ്ങളില് ഒരോ കേന്ദ്രങ്ങളും മാത്രമാണ് അംഗീകൃത പരിശോധനാ കേന്ദ്രങ്ങള്.
തെക്കന് ജില്ലകളിലെ യാത്രക്കാര് ഇതോടെ പ്രതിസന്ധിയിലായി. എത്രയും പെട്ടെന്ന് നടപടി സ്വീകരിക്കണമെന്നാണ് യാത്രക്കാരുടെ ആവശ്യം. അതേ സമയം ഈ വിഷയത്തില് യുഎഇയിലെ ഇന്ത്യന് എംബസി, വിദേശകാര്യ മന്ത്രാലയം എന്നിവയുമായി നോര്ക്ക ഇടപെട്ടു. കേന്ദ്രസര്ക്കാര് അടിയന്തരമായി ഇടപെടണമെന്ന് ആവശ്യപ്പെട്ടതായി നോര്ക്ക സിഇഒ ഹരികൃഷ്ണന് നമ്പൂതിരി അറിയിച്ചു.
"
https://www.facebook.com/Malayalivartha
