ഇസ്രയേലില് ദമ്പതികൾ മലയാളികളെ ചിട്ടിത്തട്ടിപ്പില് കുരുക്കി തട്ടിയെടുത്തത് 50 കോടി രൂപ; പണം തട്ടിയെടുത്ത് നാടുവിട്ടത് കണ്ണൂര് സ്വദേശി ലിജോ ജോര്ജ് ചിറക്കലും കോഴിക്കോട് സ്വദേശി ഷൈനി ഷൈനിലും
ഇസ്രയേലില് പ്രവാസികളായ മലയാളികളെ ചിട്ടിത്തട്ടിപ്പില് കുരുക്കി തട്ടിയെടുത്തത് 50 കോടി രൂപയെന്ന് റിപ്പോർട്ട്. കണ്ണൂര് സ്വദേശി ലിജോ ജോര്ജ് ചിറക്കലും കോഴിക്കോട് സ്വദേശി ഷൈനി ഷൈനിലുമാണ് മലയാളികളില് നിന്ന് തന്നെ പണം തട്ടിയെടുത്ത് നാടുവിട്ടിരിക്കുന്നത്. സംഭവത്തില്, ഇസ്രയേല് പൊലീസ് വിശദമായ അന്വേഷണം തുടങ്ങിയിരിക്കുമാകയാണ്.
വര്ഷങ്ങളായി തന്നെ ഇസ്രയേലില് പെര്ഫെക്ട് ചിറ്റ് എന്ന സ്ഥാപനം നടത്തിവരികയായിരുന്നു ലിജോയും ഷൈനിയും. 500ഓളം മലയാളികളില് നിന്നായി 18 കോടിക്ക് മുകളിലാണ് പ്രതികള് തട്ടിയെടുത്തിരുന്നത്..നാട്ടിലെത്തി സ്ഥലം വാങ്ങാനും വീട് പണിയാനും ഉള്പ്പെടെ സ്വപ്നം കണ്ട് അധ്വാനിച്ചുണ്ടാക്കിയ സമ്പാദ്യം എല്ലാം ഇതോടെ വെള്ളത്തിലായി.
ഇസ്രയേലില് ജോലി ചെയ്ത് സമ്പാദിച്ചതെല്ലാം ചിട്ടിക്കമ്പനിയില് നിക്ഷേപിച്ചവരാണ് ഇത്തരത്തിൽ തട്ടിപ്പിനിരയായിരിക്കുന്നറ്റി. നേട്ടമുണ്ടാക്കി നാട്ടിലേക്ക് മടങ്ങാന് കാത്തിരുന്നവര് പിന്നീടറിഞ്ഞത് മലയാളികളായ ചിട്ടിക്കമ്പനി നടത്തിപ്പുകാര് നാടുവിട്ടെന്ന വാര്ത്തയാണ്.
അതോടൊപ്പം തന്നെ 50 കോടി രൂപയാണ് പെര്ഫെക്ട് കുറി ഉടമകള് ഇസ്രയേലില് നിന്ന് മാത്രം പിരിച്ചെടുത്തത്. സമൂഹമാധ്യമങ്ങളിലെ മിന്നുന്ന പരസ്യം കണ്ട് 5 ലക്ഷം മുതല് 25 ലക്ഷം വരെ, ചിട്ടിക്ക് നല്കിയവര് ഇപ്പോള് നാട്ടിലേക്ക് മടങ്ങാന് പോലും കഴിയാത്ത അവസ്ഥയിലാണ്. ഇനി എന്തുചെയ്യണമെന്നറിയാത്ത അവസ്ഥയാണെന്ന് തട്ടിപ്പിനിരയായവര് ചൂണ്ടിക്കാണിക്കുന്നു.
അതേസമയം ഇസ്രയേല് പൊലീസിന് പരാതി നല്കിയെങ്കിലും ഇതുവരെ ഫലമുണ്ടായില്ല. കണ്ണൂര് സ്വദേശി ലിജോയും കോഴിക്കോട് സ്വദേശി ഷൈനിയും രാജ്യം വിട്ടെന്നാണ് പൊലീസ് വ്യക്തമാക്കുന്നത്. അവസാന ആശ്രയമായി ഇപ്പോൾ ഇസ്രയേല് കോടതിയെ സമീപിക്കാനൊരുങ്ങുകയാണ് നിക്ഷേപകര്.
https://www.facebook.com/Malayalivartha