പ്രവാസികൾ ഏറ്റവും കൂടുതൽ ആശ്രയിക്കുന്ന എയർലെനുകളിലൊന്നാണ് എയർ ഇന്ത്യ. മികച്ച ഓഫറുകൾ നൽകിയും അധിക ബാഗേജ് ഓഫറുകളിലൂടെയുമാണ് എയർ ഇന്ത്യ പ്രവാസികളെ എക്കാലവും കൈയ്യിലെടുക്കുന്നത്. എല്ലാ ഗൾഫ് രാജ്യങ്ങളിലേയും പ്രവാസികളെ പരിഗണിച്ചുകൊണ്ടാണ് എയർ ഇന്ത്യ സർവ്വീസുകൾ ക്രമീകരിക്കുന്നത്. അതിനാൽ തന്നെ എയർ ഇന്ത്യയെ ആണ് പ്രവാസികൾ കൂടുതലായു ആശ്രയിക്കുന്നത്.

എന്നാൽ എയർ ഇന്ത്യയുടെ വെബ്സൈറ്റിൽനിന്ന് നേരിട്ട് വിമാന ടിക്കറ്റെടുക്കാൻ ഇപ്പോൾ പ്രവാസികൾക്ക് സാധിക്കുന്നില്ല. വെബ്സൈറ്റിന്റെ സാങ്കേതിക തകരാറ് യാത്രക്കാരെ ആകെ പ്രതിസന്ധിയിലാക്കിരിക്കുകയാണ്. എയർ ഇന്ത്യയുടെ വെബ്സൈറ്റിൽ നിന്ന് ടിക്കറ്റ് എടുക്കാൻ പോകുമ്പോൾ യാത്രക്കാരന്റെ വ്യക്തിവിരങ്ങൾ നൽകണം. ഇതിന് ശേഷം ആണ് ഡെബിറ്റ്/ക്രെ‍ഡിറ്റ് കാർഡുകളുടെ വിവരങ്ങൾ നൽകേണ്ടത്. എന്നാൽ ഇവിടെയാണ് പ്രശ്നം.

ഇങ്ങനെ കാർഡിന്റെ വിവരങ്ങൾ നൽകുമ്പോൾ ട്രാൻസാക്ഷൻ ഡീക്ലൈൻഡ് എന്ന സന്ദേശമാണ് ലഭിക്കുന്നത്. പലരും ബാങ്കിന്റെ പ്രശ്നം ആണെന്ന് തോന്നിയപ്പോൾ അവിടെ വിളിച്ച് അന്വേഷിച്ചു. എന്നാൽ ബാങ്കിൽ പ്രശ്നങ്ങൾ ഒന്നും ഇല്ലെന്ന് മനസിലായി. പലർക്കും വ്യക്തി വിവരങ്ങൾ നൽകുമ്പോൾ തന്നെ ടൈം ഔട്ട് ആയി നേരെ ഹേം പേജിലേക്ക് പോകുന്ന അവസ്ഥയാണ് ഉള്ളത്.

വീണ്ടും ബുക്ക് ചെയ്യാൻ ശ്രമിക്കുമ്പോൾ ഇത് തന്നെയാണ് അവസ്ഥ. വെബ്സൈറ്റിന്റെ സാങ്കേതിക തകരാറ് ശ്രദ്ധയിൽപെട്ടിട്ടുണ്ടെന്നും ഉടൻ തന്നെ പ്രശ്നത്തിന് പരിഹാരം കണ്ടെത്തുമെന്നും ഇതിന് വേണ്ടിയുള്ള ശ്രമങ്ങൾ നടക്കുകയാണെന്നും എയർലൈൻ അധികൃതർ അറിയിച്ചു.അതേസമയം, ട്രാവൽ ഏജൻസിയിൽ നിന്നും എയർ ഇന്ത്യാ ഓഫീസിൽ ബുക്ക് ചെയ്യുമ്പോൾ ഈ പ്രശ്നം നേരിടുന്നില്ല. ശരിയായി തന്നെ ടിക്കറ്റ് എടുക്കാൻ സാധിക്കുന്നുണ്ട്.

ഇവിടെ നിന്നും ടിക്കറ്റ് എടുമ്പോൾ ഡെബിറ്റ്/ക്രെ‍ഡിറ്റ് കാർഡുകളെല്ലാം സെെറ്റ് സ്വീകരിക്കുന്നുണ്ട്. ട്രാവൽ ഏജൻസികളുടെ വെബ്സൈറ്റ് വഴിയോ ഓൺലൈൻ യാത്രാ പോർട്ടൽ വഴിയും ടിക്കറ്റ് എടുക്കാൻ സാധിക്കും. അതുകൊണ്ട് തന്നെ ടിക്കറ്റ് എടുക്കാൻ ട്രാവൽ ഏജൻസികളെയോ എയർ ഇന്ത്യാ എക്സ്പ്രസ് ഓഫിസിനെയും ആശ്രയിക്കേണ്ട അവസ്ഥയാണ് ഇപ്പോൾ ഉള്ളത്.

ട്രാവൽ ഏജൻസികളെയോ ഓഫീസിനെയോ ബന്ധപ്പെട്ട് ടിക്കറ്റ് എടുത്താൻ ഒരുപാട് ഗുണങ്ങൾ ഉണ്ട്. യാത്ര നീട്ടുന്നത് സംബന്ധിച്ച് വലിയ സഹായങ്ങൾ ആണ് ലഭിക്കുക. പെട്ടെന്ന് ദിവസങ്ങൾ തിരുത്താൻ സാധിക്കും. എന്നാൽ ഓൺലൈനിലൂടെ ആണ് ടിക്കറ്റ് എടുക്കുന്നത് എങ്കിൽ എയർലൈനുകൾക്ക് മെയിൽ അയച്ച് അനുമതി ലഭിച്ച ശേഷം മാത്രമേ ടിക്കറ്റ് മാറ്റി എടുക്കാൻ സാധിക്കുകയുള്ളു. ഇതിന് വലിയ രീതിയിൽ കാലതാമസം പിടിക്കും. അത് പലപ്പോഴും യാത്ര തടസ്സപ്പെടാൻ വരെ സാധിക്കും എന്നാണ് ട്രാവൽ ഏജൻസികൾ ചൂണ്ടിക്കാട്ടുന്നത്.

ഇനി തിരുവനന്തപുരം അന്തരാഷ്ട്ര വിമാനത്താവളം കേന്ദ്രീകരിച്ച് പുതിയ സർവ്വീസുകൾ ആരംഭിക്കാനൊരുങ്ങുകയാണ് എയർ ഇന്ത്യ. പുതുതായി രണ്ട് അന്താരാഷ്ട്ര സർവീസുകൾ കൂടി ആരംഭിക്കുകയാണ്. തിരുവനന്തപുരം-ബഹ്‌റൈൻ സർവീസും, തിരുവനന്തപുരം-ദമ്മാം സർവീസുമാണ് പുതിയതായി തുടങ്ങാൻ പോകുന്നത്. തിരുവനന്തപുരം-ബഹ്‌റൈനിലേക്ക് നവം