പ്രവാസികളുടെ വോട്ടവകാശം സംബന്ധിച്ച നിയമഭേദഗതി ബില് അടുത്ത പാര്ലമെന്റ് സമ്മേളനത്തിലെന്ന് കേന്ദ്രസര്ക്കാര്
അടുത്ത പാര്ലമെന്റ് സമ്മേളനത്തില് പവാസികളായ ഇന്ത്യക്കാര്ക്ക് വോട്ടവകാശം ഉറപ്പാക്കുന്ന നിയമഭേദഗതി ബില് അവതരിപ്പിക്കുമെന്ന് കേന്ദ്രസര്ക്കാര് സുപ്രീംകോടതിയില് അറിയിച്ചു. പ്രവാസികള്ക്ക് ഇന്ത്യയിലെ തെരഞ്ഞെടുപ്പില് പകരക്കാരെ ഉപയോഗിച്ച് വോട്ട് ചെയ്യാവുന്ന രീതിയിലാണ് ജനപ്രാതിനിധ്യ ഭേദഗതി ബില് തയ്യാറാക്കിയതെന്ന് കേന്ദ്രസര്ക്കാര് വ്യക്തമാക്കിയിരുന്നു.
ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് ഹര്ജി പരിഗണിച്ചത്. പ്രവാസികള്ക്കു വിദേശത്തു വോട്ട് ചെയ്യാന് സൗകര്യമാവശ്യപ്പെട്ട് ദുബൈയിലെ സംരംഭകന് ഡോ. വി.പി. ഷംഷീര് ആണ് ഹര്ജി നല്കിയത്. ബില് പാസാകുന്നതോടെ ദീര്ഘകാലമായുള്ള പ്രവാസി വോട്ടവകാശം എന്ന ആവശ്യമാണ് നടപ്പിലാകുന്നത്.
പ്രവാസികള്ക്ക് വോട്ടവകാശം ഒരുക്കുന്നതില് തടസമില്ലെന്ന് നേരത്തെ തെരഞ്ഞെടുപ്പ് കമ്മീഷനും സുപ്രീംകോടതിയെ അറിയിച്ചിരുന്നു. വരുന്ന ശീതകാല സമ്മേളനത്തില് ഇത് സംബന്ധിച്ച നിയമ ഭേദഗതി ബില് അവതരിപ്പിക്കുമെന്ന് സര്ക്കാര് അറിയിച്ചതിനാല് ഇതിന് ശേഷം കേസ് പരിഗണിക്കാമെന്ന് കോടതി അറിയിച്ചു.
https://www.facebook.com/Malayalivartha
