അബുദാബി ∙ സൗദി അറേബ്യയിൽ നിന്നു കോഴിക്കോട്ടേയ്ക്കു പുറപ്പെട്ട വിമാനത്തിലെ യാത്രക്കാരനായ മലയാളി യുവാവ് അബുദാബിയിൽ മരിച്ചു. മലപ്പുറം സ്വദേശി മുഹമ്മദ് സലിം (35) ആണ് മരിച്ചത്. ഇദ്ദേഹത്തിന് ദേഹാസ്വാസ്ഥ്യമുണ്ടായതിനെ തുടർന്ന് ബുധനാഴ്ച വൈകിട്ട് 3.15ന് വിമാനം അടിയന്തരമായി അബുദാബിയിൽ ഇറക്കിയ ശേഷം മഫ്റഖ് ആശുപത്രിയിൽ പ്രവേശിപ്പിക്കുകയായിരുന്നു.

ഹൃദയാഘാതമാണ് മരണകാരണമെന്ന് ഡോക്ടർമാർ പറഞ്ഞു. എഎക്സ് 322 എയർ ഇന്ത്യ എക്സ്പ്രസ്സ് വിമാനത്തിലെ യാത്രക്കാരനായിരുന്നു മുഹമ്മദ് സലീം. 14 വർഷമായി സൗദിയിലുള്ള ഇദ്ദേഹം റിയാദിൽ ഇലക്ട്രീഷ്യനായിരുന്നു. ഭാര്യയും രണ്ടു മക്കളുമുണ്ട്. നടപടികൾക്ക് ശേഷം മൃതദേഹം നാട്ടിലേക്കു കൊണ്ടുപോകും.

ഒരുപാട് സ്വപ്നങ്ങളുമായി നാട്ടിലേക്കു മടങ്ങിയ മുഹമ്മദ് സലിം, വിധി എന്നും അങ്ങനെയാണ്. പ്രവാസ ജീവിതം ഒരുപാടു മലയാളികളെ ഹൃദ്രോഗികളാക്കുന്നു. ഭക്ഷണ ശീലത്തിലെ പൊരുത്തക്കേടുകളും മാനസിക സങ്കർഷങ്ങളും ഹൃദ്രോഗത്തിനു കാരണമാണ്.