സൗദിയില്‍ എന്റെ മകന്‍ കുടുങ്ങി കിടക്കുന്നു, ആരെങ്കിലും രക്ഷിക്കൂ... ഏജന്റ് വഴി സൗദിയിലേക്ക് പോയി, നല്ല ജോലിയും ആകര്‍ഷകമായ ശമ്പളവും ഇതായിരുന്നു വാഗ്ദാനം, തോട്ടം വൃത്തിയാക്കലും മറ്റ് വീട്ടു ജോലികളുമാണ് ചെയ്യേണ്ടി വന്നത്, സഹായം അഭ്യാര്‍ത്ഥിച്ച് ജമാലിന്റെ കുടുംബം
സൗദിയില്‍ തൊഴില്‍ തട്ടിപ്പിനിരയായി യജമാനന്റെ വീട്ടില്‍ തടവില്‍ കഴിയുന്ന മകനെ രക്ഷിക്കാന്‍ സഹായമഭ്യര്‍ത്ഥിച്ച് മാതാപിതാക്കള്‍. ഹൈദരാബാദ് സ്വദേശി മുഹമ്മദ് ജമാലാണ് തൊഴില്‍ തട്ടിപ്പിനിരയായി സൗദിയില്‍ കുടുങ്ങി കിടക്കുന്നത്.
വിഷയത്തില്‍ സഹായമഭ്യര്‍ത്ഥിച്ച് വിദേശ കാര്യ മന്ത്രി സുഷമ സ്വരാജിന് കത്തയക്കാനുള്ള നീക്കങ്ങളിലാണ് ജമാലിന്റെ കുടുംബം.രണ്ട് മാസം മുന്‍പ് മുംബൈ സ്വദേശിയായ ഒരു ഏജന്റ് വഴിയാണ് െ്രെഡവിംഗ് വിസയില്‍ ജമാല്‍ സൗദിയിലേക്ക് പോയത്. ആകര്‍ഷകമായ ശമ്പളവും ഏജന്റ യുവാവിന് വാഗ്ദാനം ചെയ്തിരുന്നു.
എന്നാല്‍ െ്രെഡവിംഗ് വിസയില്‍ സൗദിയിലെത്തിയ യുവാവിന് അവിടെ ചെയ്യേണ്ടി വരുന്നത് ഉടമസ്ഥന്റെ തോട്ടം വൃത്തിയാക്കലും മറ്റ് വീട്ടു ജോലികളുമാണ്.അവസാനമായി ഫോണ്‍ വിളിച്ചപ്പോള്‍ ശമ്പളം പോലും ലഭിക്കാതെ തൊഴില്‍ ഉടമയുടെ വീട്ടില്‍ കുടുങ്ങി കിടക്കുകയാണെന്നാണ് ജമാല്‍ പറഞ്ഞത്. കുറച്ച് കാലങ്ങളായി ജമാലിനെ കുറിച്ച് ഒരു വിവരവുമില്ല. തങ്ങളുടെ മകനെ കണ്ടെത്തുവാനായി സുമനസ്സുകളോട് സഹായം അഭ്യര്‍ത്ഥിച്ച് കാത്തിരിക്കുകയാണ് ജമാലിന്റെ കുടുംബം.
https://www.facebook.com/Malayalivartha
