യു.എ.ഇ നിങ്ങളുടെ രണ്ടാമത്തെ വീടാണ്...അബുദാബിയിലെ പ്രവാസികളോട് ഷെയ്ഖ് മൊഹമ്മദ് ബിന്‍ സയിദ്
അബുദാബിയിലെ പ്രവാസികളെ അത്ഭുതപ്പെടുത്തി അബുദാബി കിരീടവകാശി. പ്രവാസികള്‍ നടത്തുന്ന കാര്‍പ്പറ്റ് വില്പന ഷോപ്പില്‍ അബുദാബി കിരീടവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാന്‍ഡറുമായ ഹിസ് ഹൈനസ് ഷെയ്ഖ് മൊഹമ്മദ് ബിന്‍ സയീദ് അല്‍ നഹ്യാന്റെ സന്ദര്‍ശനം. അബുദാബിയിലെ ഒരു അഫ്ഗാന്‍ കാര്‍പ്പറ്റ് ഷോപ്പാണ് വ്യാഴാഴ്ച ഷെയ്ഖ് സന്ദര്‍ശിച്ചത്.
യു.എ.ഇയുടെ സ്ഥാപകനായ ഷെയ്ഖ് സായിദിന്റെ മുഖചിത്രം ആലേഖനം ചെയ്ത കാര്‍പെറ്റ് കാണിച്ചപ്പോള്‍ 'പിതാവ് സായിദ്' എന്ന് ഷെയ്ഖ് മൊഹമ്മദ് മന്ത്രിച്ചു. ആ കാര്‍പ്പെറ്റ് വാങ്ങാനുള്ള കടയുടമയുടെ ആവശ്യം ഷെയ്ഖ് മൊഹമ്മദ് സ്‌നേഹപൂര്‍വ്വം നിരസിക്കുകയും ചെയ്തു.
ഷെയ്ഖ് സായിദ് തന്റെ മാനുഷിക പ്രവര്‍ത്തനത്തിലൂടെ എഴുതിയിരിക്കുന്ന കഥയിലൂടെയാണ് അറിയപ്പെടുന്നതെന്നും അദ്ദേഹം പിന്നീട് ട്വീറ്റ് ചെയ്തു. യു.എ.ഇ നിങ്ങളുടെ രണ്ടാമത്തെ വീടാണെന്നും ഷെയ്ഖ് പ്രവാസികളോട് പറഞ്ഞു. സന്ദര്‍ശനത്തിന്റെ ചിത്രങ്ങളും ഷെയ്ഖ് സോഷ്യല്‍ മീഡിയയില്‍ പങ്കുവച്ചിട്ടുണ്ട്.
https://www.facebook.com/Malayalivartha
