പക്ഷാഘാതത്തെ തുടര്ന്ന് മസ്കറ്റില് ചികിത്സയിലുള്ള ക്യാപ്ടന് രാജുവിനെ കൊച്ചിയില് എത്തിക്കും; വിമാനത്തില് ഒരുക്കുന്നത് പ്രത്യേക സംവിധാനം; തുടര് ചികില്സയ്ക്കായി എത്തിക്കുന്നത് കൊച്ചി ആസ്റ്റര് മെഡിസിറ്റിയില്; അസുഖ ബാധിതനായത് മകന്റെ വിവാഹത്തിന് അമേരിക്കയിലേക്ക് വിമാനത്തില് പോകുമ്പോള്
മകന്റെ വിവാഹത്തിന് അമേരിക്കയിലേക്ക് വിമാനത്തില് പോകുന്നതിനിടെ ഉണ്ടായ മസ്തിഷ്കാഘാതത്തെ തുടര്ന്നു കിംസ് ഒമാന് ആശുപത്രിയില് ചികില്സയില് കഴിയുന്ന നടന് ക്യാപ്റ്റര് രാജുവിനെ കൊച്ചിയിലേക്ക് കൊണ്ടു വരും. തുടര് ചികില്സയ്ക്കായി കൊച്ചി ആസ്റ്റര് മെഡിസിറ്റിയിലേക്കാണു കൊണ്ടുപോകുന്നത്. ഭാര്യ പ്രമീളയും കിംസിലെ മെഡിക്കല് സംഘവും ഒപ്പമുണ്ടാകും. നടപടിക്രമങ്ങള് പൂര്ത്തിയായാല് നാളെ രാവിലെ ഒന്പതിനുള്ള ഒമാന് എയര് വിമാനത്തില് കൊണ്ടുപോകാനാണ് നീക്കം.
സ്ട്രെച്ചറില് കിടത്തി കൊണ്ടുപോകുന്നതിനാല് വിമാനത്തില് ചില ക്രമീകരണങ്ങള് നടത്തേണ്ടതുണ്ട്. ക്യാപ്റ്റന് രാജുവിന്റെ രക്തസമ്മര്ദവും രക്തത്തിലെ പഞ്ചസാരയുടെ അളവും സാധാരണ നിലയിലാണെന്നും മറ്റു പ്രശ്നങ്ങളില്ലെന്നും ആശുപത്രി വൃത്തങ്ങള് അറിയിച്ചു. ഭാര്യയും മകനുമൊത്തു കൊച്ചിയില് നിന്നു ന്യൂയോര്ക്കിലേക്കുള്ള യാത്രയ്ക്കിടെ മസ്തിഷ്കാഘാതം ഉണ്ടായതിനെ തുടര്ന്നാണു തിങ്കളാഴ്ച രാവിലെ വിമാനം മസ്കത്തില് അടിയന്തരമായി ഇറക്കി ക്യാപ്റ്റന് രാജുവിനെ ആശുപത്രിയില് പ്രവേശിപ്പിച്ചത്. മകന്റെ വിവാഹത്തിന് അമേരിക്കയിലേക്ക് പോകുമ്പോഴായിരുന്നു ഇത്. ഈ സാഹചര്യത്തില് മകന്റെ വിവാഹം നീട്ടി വച്ചേക്കും.
കൊച്ചിയില് നിന്നും ന്യൂയോര്ക്കിലേക്കുള്ള വിമാന യാത്രക്കിടെയാണ് നടന് മസ്തിഷ്കാഘാതം സംഭവിച്ചത്. എത്തിഹാദ് വിമാത്തിലായിരുന്നു യാത്ര. ഇതിനിടെ മസ്കറ്റില് അടിയന്തര ചികിത്സ തേടുകയായിരുന്നു നടന് ക്യാപ്റ്റന് രാജു. തിങ്കളാഴ്ച പുലര്ച്ചെ 4.20ന് കൊച്ചിയില് നിന്ന് പുറപ്പെട്ട ഇത്തിഹാദ് വിമാനത്തില് ക്യാപ്റ്റന് രാജുവിന് ശാരീരികാസ്വസ്ഥ്യം അനുഭവപ്പെട്ടതിനെ തുടര്ന്ന് മസ്കറ്റില് അടിയന്തരമായി ഇറക്കുകയായിരുന്നു. വിമാനത്താവളത്തില് നിന്നും പ്രാഥമിക ചികിത്സകള് പൂര്ത്തിയാക്കിയ ശേഷമാണ് കിംസ് ഒമാന് ആശുപത്രിയിലേക്ക് മാറ്റിയത്. ഭാര്യയും മകനും കൂടെയുണ്ടായിരുന്നു. മകന്റെ വിവാഹ ആവശ്യങ്ങള്ക്കായാണ് ക്യാപ്റ്റന് രാജുവും കുടുംബവും അമേരിക്കിയിലേക്ക് യാത്ര തിരച്ചത്. അബുദാബി വഴി ന്യൂയോര്ക്കിലേക്കുള്ള വിമാനമാണ് അബുദാബിയില് എത്തുന്നതിന് മുന്നോടിയായാണ് മസ്കറ്റില് അടിയന്തര ലാന്റിങ്ങ് നടത്തിയത്.
ഇന്നലെ പുലര്ച്ചെ 4.20ന് കൊച്ചിയില് നിന്നു പുറപ്പെട്ട ഇത്തിഹാദ് വിമാനത്തില് ഭാര്യ പ്രമീളയ്ക്കും മകനുമൊപ്പം യാത്രചെയ്ത ക്യാപ്റ്റന് രാജുവിന് രാവിലെ എട്ടോടെ നെഞ്ചുവേദനയും തളര്ച്ചയും അനുഭവപ്പെടുകയായിരുന്നു. അബുദാബിയിലിറങ്ങി ന്യൂയോര്ക്കിലേക്ക് മറ്റൊരു വിമാനത്തില് പോകാനിരുന്നതാണ്. അബുദാബിയില് എത്താന് 20 മിനിറ്റു മതിയായിരുന്നെങ്കിലും അതിനു കാത്തുനില്ക്കാതെ വിമാനം അടിയന്തരമായി മസ്കറ്റില് ഇറക്കി. ശരീരത്തിന്റെ വലതുഭാഗത്തായിരുന്നു നേരിയ തളര്ച്ച. സംസാരിക്കാന് ചെറിയ ബുദ്ധിമുട്ടുണ്ടെങ്കിലും അപകട നില തരണം ചെയ്തതായി ആശുപത്രി അധികൃതര് പറഞ്ഞു.
15 വര്ഷം മുന്പുണ്ടായ വാഹനാപകടത്തെ തുടര്ന്ന് ആരോഗ്യപ്രശ്നങ്ങള് അലട്ടിയിരുന്ന ക്യാപ്റ്റന് രാജുവിന് മൂന്നു വര്ഷം മുന്പ് ബൈപാസ് ശസ്ത്രക്രിയയും നടത്തിയിരുന്നു. ന്യൂയോര്ക്കില് താമസിക്കുന്ന രവിരാജിന്റെ ഈ മാസം 30ന് നടക്കുന്ന വിവാഹത്തില് പങ്കെടുക്കാനായിരുന്നു യാത്ര. ശനിയാഴ്ച പോകാനിരുന്നതാണെങ്കിലും താരസംഘടന അമ്മയുടെ യോഗത്തില് പങ്കെടുക്കാനായി യാത്ര ഒരു ദിവസം നീട്ടിവയ്ക്കുകയായിരുന്നു.
https://www.facebook.com/Malayalivartha
