2013ലെ തന്നെ വമ്പന്‍ ഹിറ്റുകളില്‍ ഒന്നായ മോഹന്‍ലാല്‍, ജിത്തു ജോസഫ് ടീമിന്റെ 'ദൃശ്യം' ജനവരി 18, 19 തിയതികളില്‍ വിയന്നയിലെ ഗാസോമീറ്ററില്‍ പ്രദര്‍ശിപ്പിക്കും. സമകാലീന ജീവിതത്തിന്റെ പച്ചയായ ദൃശ്യങ്ങളാണ് 'ദൃശ്യം'ത്തിന്റെ ഇതിവൃത്തം.

മോഹന്‍ലാലിനൊപ്പം മീന, അന്‍സിബ, കലാഭവന്‍ ഷാജോണ്‍, സിദ്ദിഖ്, ആശ ശരത്, ശ്രികുമാര്‍ തുടങ്ങിയവരാണ് ചിത്രത്തിലെ മറ്റു കഥാപാത്രങ്ങള്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രത്തിന്റെ നിര്‍മ്മാണം. സുജിത് വാസുദേവന്‍ ഛായാഗ്രാഹകന്‍. അനില്‍ ജോണ്‍സണും വിനു തോമസും സംഗീതം ഒരുക്കിയിരിക്കുന്നു.

ജനുവരി 18ന് (ശനി) വൈകിട്ട് 7 മണിക്കും. 19ന് (ഞായര്‍) ഉച്ചകഴിഞ്ഞ് 2നും വൈകിട്ട് 6.30നുമായി മൂന്ന് പ്രദര്‍ശനങ്ങളാണ് ക്രമീകരിച്ചിരിക്കുന്നത്. ടിക്കറ്റുകള്‍ ഓണ്‍ലൈനില്‍ (വേേു://ംംം.ാലഴമുഹലഃ.മ/േ) ബുക്ക് ചെയ്യാവുന്നതാണ്. സിനിമയ്ക്ക് വരുന്നവര്‍ക്ക് 3 മണിക്കൂര്‍ പാര്‍ക്കിംഗ് സൗകര്യം സൗജന്യമായിരിക്കും.
വിശദവിവരങ്ങള്‍ക്ക് ഘോഷ് അഞ്ചേരില്‍: 069911320561

ജോബി ആന്റണി