ഇന്ത്യയിലെ ജര്‍മന്‍ എംബസ്സി ജര്‍മനിയിലേക്കും മറ്റ് ഷെങ്കന്‍ രാജ്യങ്ങളിലേക്കും ഷോര്‍ട്ട് ടൈം ഷെങ്കന്‍ വിസാകള്‍ താമസം കൂടാതെ നല്‍കാന്‍ വി.എഫ്.എസ്. എന്ന ഔട്ട്‌സോഴ്‌സിംഗ് (പുറംകരാര്‍) ഏജന്‍സിയുമായി ചേര്‍ന്ന് ഇന്ത്യയില്‍ പുതിയ ഷെങ്കന്‍ വിസാ സെന്ററുകള്‍ തുറന്നു. ടൂറിസ്റ്റുകള്‍ക്കും, ബിസ്സിനസ് യാത്രക്കാര്‍ക്കും ഈ പുതിയ സര്‍വീസ് ഉപകാരപ്രദമാണ്. ജര്‍മന്‍ വിസകള്‍ ഇന്ത്യയില്‍ കൈകാര്യം ചെയ്യുന്നത് വി.എഫ്.എസ്. എന്ന ഔട്ട്‌സോഴ്‌സിംഗ് ഏജന്‍സിയാണ്.

ഇപ്പോള്‍ ഡല്‍ഹി, ചണ്ഡിഗര്‍, ജലന്തര്‍, ജെയപ്പൂര്‍, ഗുറാഗോണ്‍, ചെന്നൈ, ഹൈദരാബാദ്, പുതുച്ചേരി, ബാംഗ്‌ളുര്‍, മുംബൈ എന്നീ സ്ഥലങ്ങളില്‍ ഈ ഷെങ്കന്‍ വിസാ സെന്ററുകള്‍ തുറന്നു കഴിഞ്ഞു. രണ്ട് മാസത്തിനകം ഗോവാ, പൂനാ, അഹ്മ്മദബാദ്, കൊച്ചി, തിരുവനന്തപുരം, കൊല്‍ക്കൊത്ത എന്നിവിടങ്ങളിലും വിസാ സെന്ററുകള്‍ തുറക്കുമെന്ന് ഇന്ത്യയിലെ ജര്‍മന്‍ അംബാസിഡര്‍ മൈക്കിള്‍ സ്‌റ്റൈനര്‍ പറഞ്ഞു. ഈ സെന്ററുകള്‍ സാധാരണ ഓഫീസ് സമയത്തേക്കാള്‍ കൂടുതല്‍ മണിക്കൂറുകള്‍ പ്രവര്‍ത്തിക്കുമെന്നും, സാധാരണ യാത്രക്കാര്‍ക്കും, ട്രാവല്‍ ഏജന്‍സികള്‍ക്കും, ടൂര്‍ ഓപ്പറേറ്ററന്മാര്‍ക്കും വിസാ അപേക്ഷകള്‍ നല്‍കാന്‍ പ്രത്യേക സൗകര്യം ഉണ്ടായിരിക്കുമെന്ന് അംബാസിഡര്‍ സ്‌റ്റൈനര്‍ പറഞ്ഞു.

ജര്‍മന്‍ എംബസ്സി ജനങ്ങളിലേക്ക് ഇറങ്ങി ചെന്ന് സര്‍വീസുകള്‍ നല്‍കുകയാണെന്നും, അപേക്ഷകള്‍, ഇന്റര്‍വ്യൂ ദിവസം-സമയം, വിസാ ട്രാക്കിംങ്ങ് എന്നിവയെല്ലാം വളരെ ലഘുവായി ഓണ്‍ലൈനില്‍ ചെയ്യാമെന്നും അംബാസിഡര്‍ കൂട്ടിച്ചേര്‍ത്തു. കൂടുതല്‍ വിവരങ്ങള്‍ ജര്‍മന്‍ എംബസ്സി ഡല്‍ഹി, ജര്‍മന്‍ കോണ്‍സുലേറ്റുകള്‍, വി.എഫ്.എസ്. സര്‍വീസ് സെന്ററുകള്‍ എന്നിവിടങ്ങളില്‍ നിന്നും അറിയാം.

GERMAN EMBASSY
No. 6/50G, Shanti Path, Chanakyapuri, New Delhi 110021
Tel: +91-11- 44199 199

GERMAN CONSULATE BANGLORE
2nd & 3rd floor, 'Cash Pharmacy Building'
Corner St. Mark's Road & Residency Road
Bangalore 560 025
Telephone: +91-80-33 47 00 00

VFS BANGLORE
Unit No.-302 & 303, Level-3, Second Floor, Prestige tArium,
No.1 Cetnral tSreet, Bangalore-560001
Telephone: +91- 022-67866013 between 0800 - 1700 hours, Monday-Friday or email us at infosouth1.germanin@vfshelpline.com for any queries.

വാര്‍ത്ത അയച്ചത് : ജോര്‍ജ് ജോണ്‍