വലിയ നോയമ്പുകാലത്ത് സെന്റ് തോമസ് സീറോ മലബാര്‍ സമൂഹം നടത്തി വരാറുള്ള വാര്‍ഷിക ധ്യാനം ഏപ്രില്‍ 11 മുതല്‍ 13 വരെ ഹൈഡല്‍ബര്‍ഗ് ഹില്‍ഡാ സ്ട്രാസെ 6 ലെ സെന്റ് ബൊണിഫാസിയോസ് പള്ളി ഹാളില്‍ നടത്തും. ഏപ്രില്‍ 11 ന് വെള്ളിയാഴ്ച്ച ഉച്ചകഴിഞ്ഞ് 2 മണിക്ക് തുടങ്ങുന്ന ഈ ധ്യാനം 24 ന് ഓശാന ഞായറാഴ്ച്ച ഉച്ചകഴിഞ്ഞ് 4 മണിക്ക് നടത്തുന്ന കുരുത്തോല വെഞ്ചിരിപ്പ് , പ്രദക്ഷിണം , ദിവ്യബലി എന്നിവയോടെ സമാപിക്കും.

ഈ വര്‍ഷത്തെ ധ്യാനം നയിക്കുന്നത് ഫാ. ഷാജി മംഗലത്തിലാണ്. ഓശാന ഞായറാഴ്ച്ച 14 മുതല്‍ 16 വരെ കുരിശിന്റെ വഴിയും , മലയാളത്തില്‍ കുമ്പസാരിക്കാനുള്ള സൗകര്യം ഉായിരിക്കുന്നതാണ്. ധ്യാനത്തില്‍ സംബന്ധിക്കുന്നവര്‍ക്ക് ഉച്ചഭക്ഷണം ഹാളില്‍ നിന്നും ലഭിക്കും. ഭക്ഷണ പാനീയങ്ങള്‍ സംഭാവന ചെയ്യാന്‍ ആഗ്രഹിക്കുന്നവര്‍ കമ്മറ്റി അംഗങ്ങളുമായി ബന്ധപ്പെടുക.

ഏപ്രില്‍ 17ന് പെസഹാ വ്യാഴാഴ്ച്ച സെന്റ് ആല്‍ബര്‍ട്ട് പള്ളി വക ബെര്‍ഗ്‌ഹൈമര്‍സ്ട്രാസെ 108 എ ലെ ഹാളില്‍ രാത്രി 10 മുതല്‍ 11 വരെ ആരാധന , പെസഹാ അപ്പം മുറിയ്ക്കല്‍ , പാന വായന (ജൂഗന്‍ഡ് ഹാളില്‍) എന്നിവ നടക്കും. ദു:ഖവെള്ളിയാഴ്ച്ച (ഏപ്രില്‍ 18) രാവിലെ 9 മുതല്‍ 12 വരെ ശുശ്രൂഷകള്‍ , കുരിശിന്റെവഴി , ഉച്ച കഞ്ഞി എന്നിവ ഉണ്ടായിരിക്കും (ജൂഗന്‍ഡ് ഹാളില്‍). ഉയിര്‍പ്പ് തിരുന്നാള്‍ ആഘോഷം 20-ാം തീയതി ഞായറാഴ്ച്ച ഉച്ചകഴിഞ്ഞ് 4 മണിക്ക് ബ്ലൂളമന്‍ സ്ട്രാസെ 23 ലെ സെന്റ് ബൊണിഫാസിയോസ് പള്ളി ഹാളില്‍ നടക്കും.

കൂടുതല്‍ വിവരങ്ങള്‍ക്ക്: മൈക്കിള്‍ കിഴുകയില്‍ (06221-769772) , തോമസ് പറത്തോട്ടത്തില്‍ (06224-928658) , റോയി നാല്പതാംകളം (06223-990571).