വെയില്‍സ്: വെയില്‍സില്‍ നടക്കുന്ന ഈ വര്‍ഷത്തെ വാര്‍ഷിക ക്യാമ്പിനുള്ള ഒരുക്കങ്ങള്‍ പൂര്‍ത്തിയായി. ഏപ്രില്‍ 7 മുതല്‍ 9 വരെ യാക്കോബായ സുറിയാനി ഓര്‍ത്തഡോക്‌സ് സഭയുടെ യു.കെ മേഖല കേന്ദ്രീകരിച്ച് രുപം കൊടുത്തിരിക്കുന്ന വിദ്യാര്‍ഥി പ്രസ്ഥാനത്തിന്റെ നേതൃത്വത്തിലാണ് ക്യാമ്പ്.

ഏപ്രില്‍ 7 നു തിങ്കളാഴ്ച രാവിലെ 11.30 മണിക്ക് രജിസ്റ്റ്രേഷന്‍ ആരംഭിക്കും. കാലംചെയ്ത പരിശുദ്ധ മോറോന്‍ മോര്‍ ഇഗ്നാത്തിയോസ് സഖാ പ്രഥമന്‍ പാത്രയര്‍ക്കീസ് ബാവയ്ക്ക് ആദരാഞ്ജലികള്‍ അര്‍പ്പിച്ചുകൊണ്ട് പ്രത്യേക പ്രാര്‍ത്ഥനയും ധൂപപ്രാര്‍ത്ഥനയും നടത്തുന്നതും. തുടര്‍ന്ന് യു കെ പാത്രയര്‍ക്കല്‍ വികാരി മാത്യൂസ് മോര്‍ അഫ്രേം ക്യാമ്പ് ഉത്ഘാടനം ചെയ്യും. കൂടുതല്‍ വിവരങ്ങള്‍ക്ക് http://www.jsosm.blogspot.co.uk സന്ദര്‍ശിക്കുക. ക്യാമ്പ് നടക്കുന്ന സ്ഥലത്തിന്റെ വിലാസം: Cefn Lea Park, Dolfor, Newtown, Powys, SY16 4AJ, Mid Wales

വാര്‍ത്ത അയച്ചത്: ജോസ് മാത്യു