മദ്യലഹരിയിൽ യുവതി പാവാട അഴിച്ച് തലയിൽ കെട്ടി. പിന്നെ പൂർണ നഗ്നയായി തിരക്കേറിയ ഹൈവേയിലൂടെ തേരാപാരാ നടന്നു. ഗതാഗത തടസം ഉണ്ടായതോടെ പൊലീസ് എത്തി യുവതിയെ പൊക്കിമാറ്റി. അപ്പോഴും വസ്ത്രം ധരിക്കാനാവില്ലെന്ന വാശിയോടെയായിരുന്നു യുവതി. ബ്രസീലിലെ മാൻഹുവികയിലെ ഹൈവേയിൽ കഴിഞ്ഞ ദിവസമായിരുന്നു സംഭവം. പാവാട കൊണ്ട് മുഖം മറച്ച യുവതിയുടെ ഒരു കൈയിൽ അഴിച്ചെടുത്ത വസ്ത്രങ്ങളും മറുകൈയിൽ പാതി ഒഴിഞ്ഞ മദ്യക്കുപ്പിയുമുണ്ടായിരുന്നു. നടുറോഡിൽ യുവതിയെ കണ്ടതോടെ ആകെ പ്രശ്നമായി. മൊബൈലിൽ രംഗങ്ങൾ പകർത്താൻ സ്ത്രീകളും പുരുഷന്മാരും മത്സരിച്ചു. അതോടെ ഗതാഗതം താറുമാറായി. ഈ സമയവും ഇതൊന്നുമറിയാതെ യുവതി റോഡിലൂടെ അങ്ങോട്ടുമിങ്ങോട്ടും നടക്കുകയായിരുന്നു.വിവരമറിഞ്ഞ് രക്ഷാപ്രവർത്തകരും പൊലീസും സ്ഥലത്തെത്തി. വാഹനത്തിൽ കയറ്റാൻ ശ്രമിച്ചെങ്കിലും അനുസരിച്ചില്ല. ഒടുവിൽ ബലം പ്രയോഗിച്ച് അടുത്തുള്ള ആശുപത്രിയിലെത്തിച്ചു. കൂടിയ അളവിൽ മദ്യം യുവതി അകത്താക്കി എന്നാണ് ആശുപത്രി വൃത്തങ്ങൾ പറയുന്നത്. യുവതിയെക്കുറിച്ചുള്ള കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.