മാര്‍ മാത്യു അറയ്ക്കലിനും വി.സി.സെബാസ്റ്റ്യനും സ്വീകരണം നല്‍കി
കേംബ്രിഡ്ജില്‍ സി ബി സി ഐ അത്മായ കമ്മീഷന്‍ ചെയര്‍മാനും, കാഞ്ഞിരപ്പള്ളി രൂപത അധ്യക്ഷനുമായ മാര്‍ മാത്യു അറയ്ക്കലിനും, സീറോ മലബാര്‍ അത്മായ കമ്മീഷന്‍ സെക്രട്ടറിയും, ലയിറ്റി വോയിസ് എഡിറ്ററും ആയ ഷെവലിയാര്‍ അഡ്വ.വി.സി.സെബാസ്റ്റ്യനും സ്വീകരണം നല്‍കി. യു.കെ സന്ദര്‍ശനത്തിന്റെ ഭാഗമായി കേംബ്രിഡ്ജില്‍ എത്തിച്ചേര്‍ന്ന ബിഷപ്പ് വിശുദ്ധ ബലി അര്‍പ്പിക്കുകയും, അത്മായ സമൂഹവുമായി കൂടിക്കാഴ്ച നടത്തുകയും ചെയ്തു.
കേംബ്രിഡ്ജിലെ ഇടവക വികാരിയും, മലയാളി വിശ്വാസി സമൂഹത്തിന്റെ ഉന്നമനത്തിനു സദാ നിലകൊള്ളുകയും പ്രോത്സാഹനം നല്‍കുകയും ചെയ്യുന്ന ഫാ.മോണ്‍. യുജീന്‍ ഹര്‍ക്‌നെസ്സിന്റെ പ്രത്യേക ക്ഷണപ്രകാരമാണ് ബിഷപ്പ് കേംബ്രിഡ്ജില്‍ എത്തിയത്. മാര്‍ മാത്യു അറയ്ക്കലിന്റെ മുഖ്യ കാര്‍മ്മികത്വത്തില്‍ സഭാമക്കള്‍ക്കായി മുഖ്യകാര്‍മ്മികനായി ആഘോഷമായ സമൂഹ ബലി അര്‍പ്പിക്കുകയുണ്ടായി. മോണ്‍. യുജീന്‍ ഹര്‍ക്‌നെസ്സ്, ചാപ്ലിന്‍ മാത്യു അച്ചന്‍ എന്നിവര്‍ സഹകാര്‍മ്മികരായിരുന്നു. പാരീഷ് കമ്മ്യുണിറ്റി അംഗമായ ഡെല്ലാ ഷിബിയുടെ പ്രഥമ ദിവ്യകാരുണ്യ സ്വീകരണവും തദവസരത്തില്‍ ആഘോഷിച്ചു.
ദിവ്യബലിക്കു ശേഷം പാരീഷ് സമൂഹം സെന്റ് ഫിലിഫ് ഹോവാര്‍ഡ് ദേവാലയ ഹാളില്‍ സ്വീകരണ യോഗം ചേര്‍ന്നു. മോണ്‍. യുജീന്‍ ഹര്‍ക്‌നെസ്സ് അധ്യക്ഷം വഹിച്ച പൊതുയോഗത്തില്‍ ചാപ്ലിന്‍ ഫാ.മാത്യു ജോര്‍ജ്ജ് ഏവര്‍ക്കും സ്വാഗതം ആശംശിച്ചു. കേംബ്രിഡ്ജ് സീറോ മലബാര്‍ വിശ്വാസി സമൂഹത്തിനു വേണ്ടി റോബിന്‍ കുര്യാക്കോസ്, ജോണി ജോസഫ് എന്നിവര്‍ ആശംസകള്‍ നേര്‍ന്നു.
ബിഷപ്പ് അറയ്ക്കലും ഷെവ.വി.സി.സെബാസ്റ്റ്യനും മറുപടി പ്രസംഗങ്ങള്‍ നടത്തി. ഷിബു കുര്യന്‍, ജിമ്മിച്ചന്‍, സാല്‍മിനി വാഴപ്പള്ളി, അഡ്വ.ജോസഫ് ചാക്കോ എന്നിവര്‍ പരിപാടികള്‍ക്ക് നേതൃത്വം വഹിച്ചു. ബിഷപ്പിന്റെ വിശുദ്ധ കുര്‍ബ്ബാനയിലും സ്വീകരണത്തിലും കേംബ്രിഡ്ജുകാരുടെ ഊര്‍ജ്ജസ്വലമായ പങ്കാളിത്തം ശ്രദ്ധേയമായിരുന്നു. വിഭവസമൃദ്ധമായ സ്‌നേഹവിരുന്നും തുടര്‍ന്ന് നടന്നു.
https://www.facebook.com/Malayalivartha
