കുവൈത്തില് പ്രവാസികളുടെ പ്രശ്നങ്ങള് പരിഹരിക്കാന് ഇനി എല്ലാ ബുധനാഴ്ചയും ഓപ്പണ് ഹൗസ് മീറ്റിംഗ്
പ്രവാസികളുടെ പരാതി നേരിട്ട് കേള്ക്കാനും പരിഹരിക്കാനും കുവൈറ്റ് ഇന്ത്യന് എംബസി എല്ലാ ബുധനാഴ്ചയും ഓപ്പണ് ഹൗസ് മീറ്റിംഗ് ആരംഭിക്കുന്നു. കൊവിഡ് വ്യാപനത്തിന്റെ പശ്ചാത്തലത്തില് ആരോഗ്യ മാനദണ്ഡങ്ങള് പാലിച്ചാണ് ഓപ്പണ് ഹൗസ് നടത്തുക. ആവശ്യങ്ങളും പരാതികളും നേരത്തെ എംബസിയുടെ കമ്മ്യൂണിറ്റി ഇമെയിലില് അയച്ച് നല്കണം. ഈ മെയിലുകള് പരിശോധിച്ചായിരിക്കും പ്രവാസികളെ പരിഗണിക്കുക. രജിസ്റ്റര് ചെയ്യുന്നവര്ക്ക് കണ്ഫര്മേഷന് ഇ മെയില് അയക്കും.
നാളെ മുതലാണ് ഓപ്പണ് ഹൗസ് മീറ്റിംഗ് ആരംഭിക്കുക. എല്ലാ ബുധനാഴ്ചയും ഉച്ച കഴിഞ്ഞ് 3.30നാണ് ഓപ്പണ് ഹൗസ് മീറ്റിംഗ് നടത്തുക. അംബാസിഡറെ കൂടാതെ ഡെപ്യൂട്ടി ചീഫ് ഓഫ് മിഷന്, ഹെഡ്സ് ഓഫ് കമ്മ്യൂണിറ്റി വെല്ഫെയര്, കോണ്സുലര് മറ്റ് ഉന്നത ഉദ്യോഗസ്ഥര് തുടങ്ങിയവരും യോഗത്തില് പങ്കെടുക്കും. മലയാളിയായ സിബി ജോര്ജ് പുതിയ സ്ഥാനപതിയായി സ്ഥാനമേറ്റതിന് ശേഷമാണ് ഓപ്പണ് ഹൗസ് മീറ്റിംഗ് ആരംഭിക്കാനുള്ള സുപ്രധാന തീരുമാനം കൈക്കൊണ്ടത്. ഈ തീരുമാനത്തിലൂടെ പ്രവാസി സമൂഹവും ഏറെ പ്രത്യാശയിലാണ്.
പരാതികളും നിര്ദ്ദേശങ്ങളും സമര്പ്പിക്കേണ്ട ഇമെയില് അഡ്രസ്: community.kuwait@mea.gov.in
https://www.facebook.com/Malayalivartha
