ലുലു ഹൈപര്‍മാര്‍ക്കറ്റിന്റെ സൗദി അറേബ്യയിലെ ശാഖകളില്‍ ഒരുക്കുന്ന ഓണാഘോഷം പൊടിപൊടുക്കുമെന്നാണ് പറയപ്പെടുന്നത്. തനി നാടന്‍ ഓണാഘോഷത്തിന്റെ എല്ലാ ഒരുക്കങ്ങളും ഇവിടെ പൂര്‍ത്തിയായി. വീട്ടില്‍ സദ്യഒരുക്കാന്‍ സാധിക്കാത്തവര്‍ക്ക് തിരുവോണ നാളില്‍ രണ്ട് തരം പായസമുള്‍പ്പെടെ ഇലനിറയെ 24 വിഭവങ്ങളുമായി ഓണസദ്യയുടെ ബുക്കിങ് ആരംഭിച്ചുകഴിഞ്ഞു. ഇന്ത്യയില്‍ നിന്ന് നാടന്‍ പച്ചക്കറികളും പഴവര്‍ഗങ്ങളും ചാര്‍ട്ടര്‍ വിമാനത്തിലെത്തിച്ചാണ് ഈ പ്രാവശ്യം ഓണം ഗംഭീരമാക്കാന്‍ ഒരുക്കം നടത്തിയിരിക്കുന്നത്. ഓണവിഭവങ്ങളൊരുക്കാന്‍ ഇന്ത്യയില്‍ നിന്നെത്തിച്ചത് 138 ടണ്‍ പച്ചക്കറികളും പഴവര്‍ഗങ്ങളുമാണ്. പ്രത്യേക കാര്‍ഗോ വിമാനത്തിലും കപ്പലിലുമാണ് ഇതെല്ലാം എത്തിച്ചത്.

വിലക്കുറവിന്റെ ഓണച്ചന്ത ചമഞ്ഞൊരുങ്ങിയിരിക്കുകയാണെന്നും മുമ്പൊരിക്കലും കാണാത്ത വിധമാണ് അതെന്നും വാര്‍ത്താക്കുറിപ്പില്‍ പറയുന്നു. വീട്ടിലേക്ക് കൊണ്ടുപോയി പാചകം ചെയ്യാന്‍ താല്‍പര്യമുള്ളവര്‍ക്ക് എല്ലാ വിഭവങ്ങളും അടങ്ങിയ കിറ്റുകളും ലഭ്യമാണ്. പൂക്കളമിടാന്‍ കേരള തനിമ വിളിച്ചോതുന്ന വ്യത്യസത ഇനം പൂക്കളും ലുലുവില്‍ ലഭ്യമാണ്. സ്ത്രീകള്‍ക്കും കുട്ടികള്‍ക്കും പുരുഷന്മാര്‍ക്കുമുള്ള ഓണപുടവയുടെ വിവിധ തരം ശേഖരങ്ങളും എത്തികഴിഞ്ഞിട്ടുണ്ട്. എല്ലാ വസ്ത്രങ്ങള്‍ക്കും '100 റിയാല്‍ ചെലവഴിച്ച് 50 റിയാല്‍ സൗജന്യം നേടൂ' എന്ന പ്രത്യേക ആനുകൂല്യവും ഏര്‍പ്പെടുത്തിയിട്ടുണ്ട്.