കണ്ണുകൾക്ക് വർണവിസ്മയമൊരുക്കിയ കരിമരുന്ന് പ്രയോഗങ്ങളിലൂടെ യുഎഇ പുതുവത്സരത്തെ വരവേറ്റിരുന്നു . അബുദാബിയിൽ 35 മിനിറ്റ് നീണ്ട കരിമരുന്ന് പ്രയോഗങ്ങളടക്കം 33 സ്ഥലങ്ങളിലാണ് ആകാശത്ത് വർണപ്പൂക്കൾ പോലെ അവ വിടർന്നത് . അബുദാബിയിലെ ലോക റെക്കോർഡ് നേടിയ കരിമരുന്ന് പ്രയോഗമായിരുന്നു അത്. ഇവ കാണാൻ എല്ലാ കേന്ദ്രങ്ങളിലും കുടുംബങ്ങളടക്കം ആയിരങ്ങൾ ഒഴുകിയെത്തുകയും ചെയ്തു . കോവിഡ്19 സുരക്ഷാ ക്രമീകരണങ്ങൾ പാലിച്ചായിരുന്നു എല്ലായിടത്തും ആളുകൾ കരിമരുന്ന് പ്രയോഗം കാണാനെത്തിയത്. ക്ലോക്കിൽ 12 മണി അടിക്കേണ്ട താമസം ശബ്ദത്തിൻ്റെ അകമ്പടിയോടെ വർണപ്പൂക്കൾ വിരിയുകയും ചെയ്തു .

ലോകത്തെ ഏറ്റവും ഉയരം കൂടിയ മനുഷ്യ നിർമിത കെട്ടിടമായ ദുബായിലെ ബുർജ് ഖലീഫയിൽ പൂച്ചവാൽ പോലെ അടിമുതൽ മുടി വരെ തിരി തെളിഞ്ഞപ്പോൾ വളരെ അകലെ നിന്നു പോലും ആളുകൾക്ക് അത് ആസ്വദിക്കാനായി. അബുദാബി അൽ വത് ബയിൽ നടന്ന 35 മിനിറ്റ് നീണ്ട കരിമരുന്ന് പ്രയോഗം ലോക റെക്കോർഡിൽ ഇടംപിടിച്ചു. ബുർജ് അൽ അറബ്, ലാ മെർ, ദുബായ് ഫ്രെയിം, ഷാർജ അൽ മജാസ് വാട്ടർഫ്രണ്ട്, റാസൽഖൈമ, അൽ മർജാൻ ദ്വീപ്, അജ്മാൻ കോർണിഷ്, ഫുജൈറ കോർണിഷ് എന്നിവിടങ്ങളിലും കരിമരുന്ന് പ്രയോഗമുണ്ടായിരുന്നു. റാസൽഖൈമയിലെ കരിമരുന്ന് പ്രയോഗം ഒന്നൊന്നൊര പ്രയോഗമായിരുന്നു എന്ന് പറയാതെ വയ്യ. കൂടി നിന്നവരെല്ലാം പരസ്പരം പുതുവത്സരാശംസകൾ നേർന്നു, ആർപ്പുവിളിച്ചും പാട്ടുകൾ പാടിയും ചുവടുകൾ വച്ചു. മഹാമാരി അകന്ന ഒരു വർഷം കടന്നുവരട്ടെ എന്ന് പ്രാർഥനയോടെയായിരുന്നു മടങ്ങിയത്.