സൗദിയില്‍ പ്രവാസികളുടെ ഇഖാമയും ഡ്രൈവിംഗ് ലൈസന്‍സും ഡിജിറ്റല്‍ രൂപത്തില്‍ സ്വീകരിക്കപ്പെടും എന്ന സന്തോഷ വാർത്തയാണ് ഇപ്പോൾ പുറത്തു വരുന്നത്. ഇനി അഥവാ ഡ്രൈവിംഗ് ലൈസൻസ് ഇഖാമയും. ഇവ കൈവശം ഇല്ലെങ്കിൽ മൊബൈൽ ഫോണിൽ ഡിജിറ്റൽ രൂപത്തിൽ ഉണ്ടായാൽ മതിയാകും എന്നതും ആശ്വാസകരമാണ്. ആഭ്യന്തര സഹമന്ത്രി ബന്ദർ ആൽമുശാരിയാണ് ഈ വിവരം പുറത്തുവിട്ടിരിക്കുന്നത്.നിലവിലെ ഇക്കാമ പ്ളാസ്റ്റിക് രൂപത്തിലുള്ള കാർഡാണ്. പ്രവാസികൾ താമസ സ്ഥലങ്ങളിൽനിന്നും പുറത്തിറങ്ങുമ്പോൾ പേഴ്സുകളിലും മറ്റും ഇക്കാമ സൂക്ഷിക്കുകയും സുരക്ഷാ ഉദ്യോഗസ്ഥരടക്കമുള്ളവർ ആവശ്യപ്പെടുമ്പോൾ കാണിച്ചുകൊടുക്കാറുമാണ് പതിവ്. ഇക്കാമ പ്രദർശിയപ്പിക്കാത്ത വിദേശികൾക്കെതിരെ നിയമ നടപടി സ്വീകരിക്കാനും തീരുമാനമുണ്ട്.

എന്നാൽ പ്ലാസ്റ്റിക്ക് രൂപത്തിലുള്ള ഇക്കാമ ഡിജിറ്റൽ രൂപത്തിലാക്കി പ്രദർശിപ്പിച്ചാൽ മതിയെന്ന് സൗദി ആഭ്യന്തര സഹമന്ത്രി ബന്ദർ ആൽ മുശാരി പറഞ്ഞു. പരിശോധന സമയത്ത് പോലീസുകാരുടെ മൊബൈൽ ഫോണിലെ മൈദാൻ ആപ് വഴി ഡിജിറ്റൽ ഇഖാമ അവർക്ക് പരിശോധിക്കാനാകും എന്ന കാര്യം ശ്രദ്ധേയമാണ്. ഫോണുകളിൽ ഇന്റർനെറ്റ് ഇല്ലെങ്കിലും ഡിജിറ്റൽ ഇഖാമ ഉദ്യോഗസ്ഥർക്ക് കാണിച്ചുകൊടുക്കാനാകും.