യു.എ.ഇ.യിൽ വാക്സിനെടുത്തവർക്കും പരീക്ഷണത്തിന്റെ ഭാഗമായവർക്കും വിദേശത്തുനിന്ന് മടങ്ങി വരുമ്പോൾ ക്വാറന്റീൻ വേണ്ട
വാക്സിൻ വന്ന സാഹചര്യത്തിൽ യുഎഇയിൽ അതിനിർണായകമായ തീരുമാനം കൈക്കൊണ്ടിരിക്കുക യാണ്. യു.എ.ഇ.യിൽ ഇനി മുതൽ ക്വാറന്റീൻ വേണ്ടാ. യു.എ.ഇ.യിൽ വാക്സിനെടുത്തവർക്കും പരീക്ഷണത്തിന്റെ ഭാഗമായവർക്കും വിദേശത്തുനിന്ന് മടങ്ങിവരുമ്പോൾ ക്വാറന്റീൻ ഒഴിവാക്കിയതായി ആരോഗ്യ, രോഗപ്രതിരോധ മന്ത്രാലയം അറിയിച്ചിരിക്കുകയാണ്. എന്നാൽ, വിമാനത്താവളത്തിലെ പി.സി.ആർ. പരിശോധനയ്ക്ക് വിധേയമാകുന്നത് യാതൊരു വിട്ടുവീഴ്ചയുമില്ല. ഇവർക്കൊപ്പമുള്ള 12 മുതൽ 17 വയസ്സുവരെയുള്ളവർക്ക് 10 ദിവസത്തെ ഹോം ക്വാറന്റീൻ നിർബന്ധമായും ചെയ്തിരിക്കണം . വാക്സിൻ എടുക്കാത്തവർക്ക് യാത്രയ്ക്ക് 96 മണിക്കൂർമുമ്പ് ലഭിച്ച പി.സി.ആർ. നെഗറ്റീവ് ഫലം നിർബന്ധമാണ്. വിമാനത്താവളത്തിൽ ഇറങ്ങിയ ശേഷവും പി.സി.ആർ. പരിശോധന നടത്തും. നെഗറ്റീവ് ഫലം ലഭിക്കുന്നതുവരെ സ്വയംനിരീക്ഷണത്തിൽ കഴിയണം.
ഐ.സി.എ. ഗ്രീൻ സിഗ്നൽ ലഭിച്ചവർക്കുമാത്രമേ അബുദാബി, അൽ ഐൻ വിമാനത്താവളങ്ങളിലേക്ക് നേരിട്ട് വരാനാവൂ. വാക്സിനെടുക്കാത്തവർക്കും പരീക്ഷണത്തിൽ ഭാഗമാവാത്തവർക്കും അബുദാബിയിലെത്തിയാൽ 10 ദിവസത്തെ ക്വാറന്റീനുണ്ടാവും. മറ്റ് എമിറേറ്റുകൾ വഴി റോഡുമാർഗം അബുദാബിയിലേക്ക് വരുന്നവർ തുടർച്ചയായ 6-12 ദിവസങ്ങളുടെ ഇടവേളയിൽ പി.സി.ആർ. പരിശോധന നടത്തണം. ഗ്രീൻ പട്ടികയിൽ ഉൾപ്പെടുന്ന രാജ്യങ്ങളിൽ നിന്നെത്തുന്നവർക്ക് ക്വാറന്റീൻ ആവശ്യമില്ല.
https://www.facebook.com/Malayalivartha