യുഎഇയിൽ കുടുങ്ങിയ ഇന്ത്യക്കാര് നാട്ടിലേക്ക് മടങ്ങണമെന്ന് എംബസി ; പോകുന്ന രാജ്യത്തെ ഏറ്റവും പുതിയ വ്യവസ്ഥകൾ മനസിലാക്കാൻ കർശന നിർദേശം
പ്രവാസികളെ വെട്ടിലാക്കി അപ്രതീക്ഷിതമായിട്ടായിരുന്നു സൗദി, കുവൈത്ത് യാത്രാവിലക്ക് ഏർപ്പെടുത്തിയത്. എന്നാൽ ഇതിനിടയിൽ യു.എ.ഇയില് നിരവധി ഇന്ത്യക്കാർ കുടുങ്ങിപ്പോയ അവസ്ഥ ഉണ്ടായി. ഇപ്പോൾ നിർണായകമായ ഒരു അറിയിപ്പ് നടത്തിയിരിക്കുകയാണ് എംബസി യുഎഇയിൽ കുടുങ്ങിയ ഇന്ത്യക്കാര് നാട്ടിലേക്ക് മടങ്ങണമെന്ന് എംബസി അറിയിച്ചിരിക്കുകയാണ്. യു.എ.ഇയിൽ കുടുങ്ങിയ ഇന്ത്യക്കാർ നാട്ടിലേക്ക് മടങ്ങണമെന്ന് ഇന്ത്യൻ എംബസിപത്രക്കുറിപ്പിലൂടെ യാണ് അറിയിപ്പ് പുറത്തുവിട്ടിരിക്കുന്നത്.മാത്രമല്ല ഗൾഫ് നാടുകളിലേക്ക് പറക്കുന്നവർ ചില കാര്യങ്ങൾ കൂടെ അറിഞ്ഞ ശേഷം മാത്രം അങ്ങോട്ടേക്ക് പോവുക എന്ന കർശന നിർദ്ദേശം നൽകിയിരിക്കുകയാണ്.കൊറോണയുമായി ബന്ധപ്പെട്ട നിരവധി മാറ്റങ്ങളും തീരുമാനങ്ങളും ആണ് ഗൾഫ് രാഷ്ട്രങ്ങൾ കൈക്കൊള്ളുന്നത്. അതുകൊണ്ട് തന്നെ പഴയതുപോലെ അങ്ങ് പോകാതെ പോകുന്നതിനു മുന്നേ ചില കാര്യങ്ങൾ അറിഞ്ഞു മനസ്സിലാക്കിയ ശേഷം മാത്രം യാത്രയ്ക്ക് ഒരുങ്ങുക. യാത്ര പോകുന്ന രാജ്യത്തെ ഏറ്റവും പുതിയ വ്യവസ്ഥകൾ അനുസരിച്ച് മാത്രമേ ഇനിയുള്ള തീരുമാനങ്ങൾ കൈക്കൊള്ളാൻ പാടുള്ളു. കർശന കോവിഡ് നിയന്ത്രണങ്ങൾ നിലനിൽക്കുന്നതിനാൽ ദുബായ്, അബുദാബി വഴിയുള്ള സൗദി, കുവൈത്ത് യാത്ര താൽക്കാലികമായി സാധ്യമല്ല.
എല്ലാ ഇന്ത്യക്കാരും യാത്ര പുറപ്പെടുന്നതിന് മുൻപ് അതത് രാജ്യങ്ങളിലെ നിബന്ധനകളെപ്പറ്റി മനസിലാക്കുകയും അപ്രതീക്ഷിതമായ ആവശ്യങ്ങൾക്ക് കൂടിയുള്ള വസ്തുക്കളും പണവും കരുതുകയും ചെയ്യണമെന്നും ഇതിൽ വ്യക്തമാക്കുന്നു.ഇത്തരത്തിൽ മുൻകരുതലുകൾ സ്വീകരിച്ചാൽ പിന്നീട് ഉണ്ടാകാവുന്ന ബുദ്ധിമുട്ടുകളെ ഒഴിവാക്കുവാൻ സാധിക്കും. അതുകൊണ്ട് തീർച്ചയായും പ്രവാസികൾ യാത്രയ്ക്ക് ഒരുങ്ങുന്നത് അതിനു മുന്നേ പോകാൻ ഉദ്ദേശിക്കുന്ന രാജ്യം ഏതാണോ അവിടുത്തെ ഏറ്റവും പുതിയ വിവരങ്ങൾ അറിഞ്ഞിരിക്കുക. യാത്രാ നിരോധം എപ്പോള് അവസാനിക്കുമെന്ന കാര്യത്തില് വ്യക്തതയില്ലെന്നിരിക്കെ എന്തു ചെയ്യണമെന്നറിയാതെ ആശങ്കയിലാണ് പ്രവാസി യാത്രക്കാര്. പ്രവാസികളെ രക്ഷിക്കാന് നടപടി സ്വീകരിക്കണമെന്നാവശ്യപ്പെട്ട് പ്രവാസി സംഘടനതള് ഇന്ത്യന് വിദേശകാര്യ മന്ത്രി എസ് ജയ്ശങ്കറിന് അപേക്ഷ നല്കിയിട്ടുണ്ടായിരുന്നു.
കൊവിഡ് വ്യാപന ഭീതിയുടെ പശ്ചാത്തലത്തില് ഇന്ത്യ ഉള്പ്പെടെ 20 രാജ്യങ്ങളില് നിന്നുള്ളവര്ക്ക് സൗദി അറേബ്യ യാത്രാ വിലക്ക് പ്രഖ്യാപിച്ചതിനെ തുടര്ന്ന് നൂറുകണക്കിന് ഇന്ത്യക്കാര് ദുബായില് കുടുങ്ങി. അതുവരെ നിലവിലുണ്ടായിരുന്ന വ്യവസ്ഥപ്രകാരം ദുബായില് 14 ദിവസത്തെ ക്വാറന്റൈന് വാസം കഴിഞ്ഞ് സൗദിയിലേക്ക് തിരിക്കാന് ദുബായില് താമസിക്കുന്നവരാണ് പെട്ടെന്നുണ്ടായ പുതിയ യാത്രാ നിരോധനത്തെ തുടര്ന്ന് പ്രതിസന്ധിയിലായത്.
https://www.facebook.com/Malayalivartha