ദുബായിൽ അത് തുടങ്ങി കഴിഞ്ഞു. വേഗത്തിൽ അപേക്ഷിക്കൂ. ദുബായില്‍ വിസക്കുള്ള മെഡിക്കല്‍ പരിശോധന ഫലം ഓണ്‍ലൈനായി സ്വീകരിച്ചു തുടങ്ങി. ഓൺലൈനായി സ്വീകരിച്ചു തുടങ്ങിയെന്ന് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് അറിയിച്ചത് . ഞായറാഴ്ച മുതലാണ് ഇ-മെഡിക്കൽ പരിശോധന ഫലം സ്വീകരിച്ചു തുടങ്ങിയത്. ദുബായിലെ വിസയ്ക്കുള്ള മെഡിക്കൽ പരിശോധന ഫലത്തിന്റെ സ്ഥിരീകരണത്തിന് പ്രത്യേക ഓൺലൈൻ ലിങ്ക് സജീവമാക്കിയതിനാൽ ഹാർഡ് കോപ്പിയിൽ സബ്മിറ്റ് ചെയ്തവർ ഓൺലൈൻ ഫലങ്ങൾക്ക് അപേക്ഷിക്കണം. ദുബായിലെ സർക്കാർ സ്ഥാപനങ്ങളിലെ രേഖകൾ കടലാസിൽ അച്ചടിക്കുന്നത് കുറയ്ക്കുക എന്ന ലക്ഷ്യത്തോടെയുള്ള പേപ്പർലെസ് സ്ട്രാറ്റജിയ്ക്ക് അനുസൃതമായാണ് ഈ മാറ്റമെന്ന് ജിഡിആർഎഫ്എ ഉപഭോക്ത്യ സന്തോഷ കേന്ദ്രങ്ങളുടെ അസിസ്റ്റന്റ് ഡയറക്ടർ ലെഫ്നന്റ് കേണൽ ജാസിം അലി ആഹ്ലി അറിയിച്ചത്.

വിസാ സേവനങ്ങൾക്ക് വകുപ്പിന്റെ സ്മാർട്ട് ചാനലുകൾ പൊതുജനങ്ങൾ കൂടുതലായി ഉപയോഗപ്പെടുത്തണമെന്ന് ജിഡിആർഎഫ്എ ദുബായ് അഭ്യർത്ഥിക്കുകയും ചെയ്തു . മിക്ക സർവീസുകളും ഓൺലൈനിൽ ഇപ്പോൾ ലഭ്യമാണ്. എത്ര വിദൂരതയിൽ നിന്നും വിസാ നടപടികൾ പൂർത്തീകരിക്കാൻ സ്മാർട്ട് ചാനലുകൾക്ക് കഴിയുമെന്നതും സവിശേഷതയാണ്. വകുപ്പിന്റെ വെബ്സൈറ്റ് വഴിയോ അല്ലെങ്കിൽ സ്മാർട്ട് അപ്ലിക്കേഷൻ ഡൗൺലോഡ് ചെയ്യുന്നതിലൂടെയോ മേൽപ്പറഞ്ഞ സേവനങ്ങൾ ഉപയോഗപ്പെടുത്താൻ കഴിയുന്നതാണ്. 2021 ശേഷം ദുബായ് ഗവൺമെന്റിലെ ഒരു ജീവനക്കാരനോ ഉപഭോക്താവോ ഒരു പേപ്പറും അച്ചടിക്കേണ്ടതില്ലന്നാണ് പേപ്പർലെസ് സ്ട്രാറ്റജി ഇപ്പോൾ ലക്ഷ്യം വെക്കുന്നത്.