പ്രവാസികൾക്ക് ഇനിയെല്ലാം എമിറേറ്റ്സ് ഐ.ഡി, പാസ്പോര്ട്ടിലെ ഏതെങ്കിലുമൊരു പേജില് താമസവിസയുടെ സ്റ്റിക്കര് പതിക്കുന്ന രീതി ഇനിയില്ല, പുതിയ സംവിധാനം ദുബൈ ഒഴികെയുള്ള എമിറേറ്റുകളിലാണ് പ്രാബല്യത്തിൽ...!
പ്രവാസികളുടെ പാസ്പോര്ട്ടിലെ ഏതെങ്കിലുമൊരു പേജില് താമസവിസയുടെ സ്റ്റിക്കര് പതിക്കുന്ന രീതി ഇനിയില്ല. എമിറേറ്റ്സ് ഐ.ഡിയിലായിരിക്കും ഇനിമുതല് വിസ വിവരങ്ങള് ഉള്ളത്. പുതിയ സംവിധാനം ദുബൈ ഒഴികെയുള്ള എമിറേറ്റുകളിലാണ് പ്രാബല്യത്തിലായി വന്നുക. തിങ്കളാഴ്ച ഇത് ആറ് എമിറേറ്റുകളിലും ഔദ്യോഗികമായി നടപ്പാക്കിത്തുടങ്ങി. ഇതോടെ, പാസ്പോര്ട്ടിലെ പിങ്ക് നിറത്തിലുള്ള വിസ പേജ് ഓര്മയായി.
എന്നാൽ പുതിയ മാറ്റങ്ങളുടെ ഭാഗമായി അടുത്തിടെ യു.എ.ഇ എമിറേറ്റ്സ് ഐ.ഡി പരിഷ്കരിച്ചിരുന്നു. എമിറേറ്റ്സ് ഐ.ഡി പരിശോധിച്ചാല് യാത്രക്കാരന്റെ പൂര്ണ വിവരങ്ങള് ലഭിക്കുന്ന രീതിയിലാണ് ഡിജിറ്റലൈസ് ചെയ്തത്. എന്നാല്, വിസ വിവരങ്ങള് ഇതില് ഉള്പ്പെടുത്തിയിരുന്നില്ല.
പുതിയ മാറ്റത്തോടെ ഈ വിവരങ്ങള്കൂടി എമിറേറ്റ്സ് ഐ.ഡിയിലുണ്ടാവും. എമിറേറ്റ്സ് ഐ.ഡി പുതുക്കുന്നവര്ക്ക് ഇനി മുതല് പുതിയ കാര്ഡായിരിക്കും ലഭിക്കുക. അതില് വിസ വിവരങ്ങളും ഉള്പ്പെടുത്തും. എമിറേറ്റ്സ് ഐ.ഡിയില് പ്രത്യക്ഷത്തില് നോക്കിയാല് ഈ വിവരങ്ങള് കാണാന് കഴിയില്ല. എന്നാല്, ഇതിനുള്ളില് അടക്കം ചെയ്തിരിക്കുന്ന ഡേറ്റയില് വിവരങ്ങളുണ്ടാകും.
പുതിയ വിസ സ്റ്റാമ്പ് ചെയ്യുന്നവര്ക്കും വിസ പുതുക്കുന്നവര്ക്കും ഇനിമുതല് പുതിയ സംവിധാനമായിരിക്കും ലഭ്യമാകുക. പുതിയ സംവിധാനം നിലവില് വന്നതോടെ വിസ പുതുക്കലിനും എമിറേറ്റ്സ് ഐ.ഡിക്കും വ്യത്യസ്ത അപേക്ഷകള് നല്കുന്നത് ഒഴിവാക്കും.ഇതിന് രണ്ടിനും ചേര്ത്ത് ഒരപേക്ഷ നല്കിയാല് മതിയാവും.
പ്രവാസികൾക്ക് താമസവിസ കാണിക്കേണ്ട സാഹചര്യങ്ങളിലെല്ലാം ഇനി എമിറേറ്റ്സ് ഐ.ഡി ഉപയോഗിക്കാന് കഴിയും. വിദേശത്തുനിന്ന് യു.എ.ഇയിലേക്ക് യാത്രചെയ്യുമ്പോള് വിമാനക്കമ്പനികള്ക്ക് പാസ്പോര്ട്ട് നമ്പറും എമിറേറ്റ്സ് ഐ.ഡിയും പരിശോധിച്ചാല് യാത്രക്കാരന്റെ വിസ വിവരങ്ങള് ലഭ്യമാകുന്ന രീതിയിലാണ് പുതിയ സംവിധാനം.
ദുബൈയില് ഇപ്പോഴും പുതിയ സംവിധാനം പ്രാബല്യത്തിവരാത്ത സ്ഥിതിക്ക് പഴയതുപോലെ വിസ പുതുക്കലിനും എമിറേറ്റ്സ് ഐ.ഡിക്കും വ്യത്യസ്ത അപേക്ഷകള് നല്കണം. വൈകാതെ പുതിയ സംവിധാനം ദുബൈയിലും വൈകാതെ പ്രാബല്യത്തിലാകും.
യുഎഇയില് താമസ തൊഴില് വിസയുളളവർക്ക് ഇനി മുതല് എമിറേറ്റ്സ് ഐഡിയുണ്ടെങ്കില് ബാങ്കുകളിലും പണമിടപാട് സ്ഥാപനങ്ങളിലും പണമിടപാട് നടത്താം. യുഎഇയില് താമസവിസ എമിറേറ്റ്സ് ഐഡിയില് രേഖപ്പെടുത്തി തുടങ്ങിയതോടെ പണമിടപാടുകള്ക്ക് ഐഡി മതിയെന്ന് യുഎഇ സെന്ട്രല് ബാങ്ക് നിർദ്ദേശിച്ചു.
രാജ്യത്തെ ബാങ്കുകള്ക്കും പണമിടപാട് സ്ഥാപനങ്ങള്ക്കുമാണ് നിർദ്ദേശം നല്കിയിട്ടുളളത്.ഏപ്രില് 11 മുതലാണ് എമിറേറ്റ്സ് ഐഡിയില് താമസ വിസ രേഖപ്പെടുത്തുന്നത് യുഎഇ ആരംഭിച്ചത്. നേരത്തെ ബാങ്ക് അക്കൗണ്ട് തുറക്കുന്നതുള്പ്പടെ പൊതു സ്വകാര്യ മേഖലകളിലെ മിക്ക ഇടപാടുകള്ക്കും വിസ പേജിന്റെ ഫോട്ടോ കോപ്പി നിർബന്ധമായിരുന്നു. എമിറേറ്റ്സ് ഐഡി താമസവിസ രേഖയായി മാറുന്നതോടെ ഇത് ആവശ്യമില്ലാതാകും.
https://www.facebook.com/Malayalivartha
