എ.പി അബ്ലുള്ളക്കുട്ടിയുടെ യോഗം ബഹിഷ്കരിച്ച് പ്രവാസി സംഘടനകള്, ഔദ്യോഗിക യോഗത്തിന് ഇന്ത്യന് കോണ്സുലേറ്റോ...കേന്ദ്ര ഹജ്ജ് കമ്മറ്റി ചെയര്മാനോ നേരിട്ട് വിളിച്ചില്ലെന്ന് സംഘടനാപ്രതിനിധികള്...!
കേന്ദ്ര ഹജ്ജ് കമ്മറ്റി ചെയര്മാന് എ.പി അബ്ലുള്ളക്കുട്ടിയുടെ യോഗം പ്രവാസി സംഘടനകള് ബഹിഷ്കരിച്ചു.അബ്ദുള്ളക്കുട്ടിക്ക് സ്വീകരണം നല്കാനും ഈ വര്ഷത്തെ ഹജ്ജിനായി ഇന്ത്യന് ഹാജിമാരുടെ ഒരുക്കങ്ങള് വിശകലനം ചെയ്യുന്നതിനും ജിദ്ദയിലുള്ള സംഘടനാ ഭാരവാഹികളുമായി അദ്ദേഹം ചര്ച്ച നടത്താന് ആഗ്രഹിക്കുന്നുവെന്നായിരുന്നു ഐ.ഒ.എഫ് സംഘടനകള്ക്ക് അയച്ച സന്ദേശത്തില് പറയുന്നത്.
എന്നാല് ഇന്ത്യന് കോണ്സുലേറ്റോ കേന്ദ്ര ഹജ്ജ് കമ്മറ്റി ചെയര്മാന് എന്ന നിലയില് ബ്ദുള്ളക്കുട്ടിയോ നേരിട്ട് വിളിക്കാതെ, ഐ.ഒ.എഫ് ക്ഷണിച്ചതുകൊണ്ടാണ് യോഗത്തില് പങ്കെടുക്കാതിരുന്നതെന്ന് സംഘടനാപ്രതിനിധികള് പറഞ്ഞു. കെ.എം.സി.സി, നവോദയ, ഒ.ഐ.സി.സി, ഹജ്ജ് വെല്ഫെയര് ഫോറം തുടങ്ങിയ സംഘടനകളാണ് യോഗത്തില് പങ്കെടുക്കാതിരുന്നത്.
അതേസമയം, ഹജ്ജ് തീര്ത്ഥാടനത്തിനായി എത്തുന്ന ഇന്ത്യന് ഹാജിമാര്ക്ക് മക്ക, മദീന എന്നീ പുണ്യ നഗരങ്ങളില് സൗകര്യങ്ങളൊരുക്കുന്നത് അവസാനഘട്ടത്തിലെത്തിയതായി കേന്ദ്ര ഹജ്ജ് കമ്മിറ്റി ചെയര്മാന് എ പി അബ്ദുള്ളക്കുട്ടി അറിയിച്ചു. ഇന്ത്യന് ഹാജിമാരുടെ സൗകര്യങ്ങള് വിലയിരുത്താനായി സൗദിയിലെത്തിയ അദ്ദേഹം ജിദ്ദയില് മാധ്യമ പ്രവര്ത്തകരോട് സംസാരിക്കവെയാണ് ഇക്കാര്യം അറിയിച്ചത്.
ഇപ്രാവശ്യത്തെ ഹജ്ജ് നടപടികള് പൂര്ത്തിയാക്കാന് വളരെ കുറഞ്ഞ സമയമാണ് ലഭിച്ചതെങ്കിലും ഇന്ത്യയില് നിന്നും ഹജ്ജ് കമ്മിറ്റിയും സൗദിയിലെ ഇന്ത്യന് നയതന്ത്ര കാര്യാലയ ഉദ്യോഗസ്ഥരും അശ്രാന്ത പരിശ്രമം നടത്തി പ്രവര്ത്തനങ്ങള് പൂര്ത്തിയാക്കികൊണ്ടിരിക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha