വാഹനം ഒട്ടകവുമായി കൂട്ടിയിടിച്ച് അപകടം, തിരുവനന്തപുരം സ്വദേശി സൗദിയില് മരിച്ചു, മൃതദേഹം നാട്ടിലേക്ക് അയക്കാനുള്ള നടപടി ക്രമങ്ങൾ പുരോഗമിക്കുന്നു...!
തിരുവനന്തപുരം ചെറിയതുറ സ്വദേശി സൗദിയിൽ വാഹനാപകടത്തില് മരണപ്പെട്ടു. വിനോജ് ഗില്ബെര്ട്ട് ജോണ്(42) ആണ് മരിച്ചത്.ഹായില് റോദ റോഡില് വെച്ച് വിനോജ് ഓടിച്ചിരുന്ന വാഹനം രാത്രിയില് ഒട്ടകവുമായി കൂട്ടിയിടിച്ചായിരുന്നു അപകടം. ഹായിലിലെ ഖുബൂസ് കമ്പനിയിലെ ജീവനക്കാരനായിരുന്നു വിനോജ്.
ഇന്ത്യന് സോഷ്യല് ഫോറം റിയാദ്, കേരള സ്റ്റേറ്റ് വെല്ഫെയര് കോര്ഡിനേറ്റര് അസീസ് പയ്യന്നൂരിന്റെ നേതൃത്വത്തില് സോഷ്യല് ഫോറം ഹായില് ബ്ലോക്ക് പ്രസിഡന്റ് അബ്ദുല് റൗഫ് ഇരിട്ടി, ഹായിലിലെ സാമൂഹ്യ പ്രവര്ത്തകനായ ചാന്സ് റഹ്മാന് എന്നിവര് മൃതദേഹം നാട്ടിലേക്ക് അയക്കാനുള്ള നടപടി ക്രമങ്ങളുമായി മുന്നോട്ട് പോകുന്നു.ഫെബി വിനോജ ആണ് ഭാര്യ സോജ് മേരി വിനോജ് മകളാണ്.
അതേസമയം പ്രമേഹം മൂര്ച്ഛിച്ച് ഇരുകൈകാലുകളും ചലിപ്പിക്കാന് കഴിയാതായ തിരുവനന്തപുരം സ്വദേശിയെ നാട്ടിലെത്തിച്ചു. മോനി നടേശനാണ് തുടര്ചികിത്സക്ക് വഴിയില്ലാതെ റിയാദില് ബുദ്ധിമുട്ടിലായത്. തുടർന്ന് മകനും അവരുടെ സുഹൃത്തുക്കളും വേള്ഡ് മലയാളി ഫെഡറേഷന്- ഗ്ലോബല് വൈസ് പ്രസിഡന്റ് ശിഹാബ് കൊട്ടുകാടിനെയും റിയാദ് കൗണ്സില് ചാരിറ്റി കോഓഡിനേറ്റര് ഷൈജു നിലമ്പൂരിനെയും സമീപിച്ചു.നാഷനല് കോഓഡിനേറ്റര് ഡൊമിനിക് സവിയോയുടെ നേതൃത്വത്തില് റിയാദില് നിന്ന് കോഴിക്കോട് വരെ വിമാനയാത്രയും അവിടെ നിന്ന് തിരുവനന്തപുരം വരെ ആംബുലന്സ് യാത്രയും ഒരുക്കി.
https://www.facebook.com/Malayalivartha