ഖത്തറിൽ ക്രിതൃമമായി ഡോളറുണ്ടാക്കി തട്ടിപ്പ് നടത്തിയ രണ്ടുപേർ അറസ്റ്റിൽ.രാസവസ്തുക്കൾ ഉപയോഗിച്ച് കടലാസ് ഡോളറാക്കി മാറ്റി മാറ്റിയാണ് ഇവർ തട്ടിപ്പ് നടത്തിയത്. പ്രതികളിൽ നിന്ന് രാസലായനികള്‍, പൊടികള്‍, തട്ടിപ്പിന് ഉപയോഗിക്കുന്ന മറ്റ് ഉപകരണങ്ങള്‍ എന്നിവയ്ക്ക് പുറമേ യുഎസ് ഡോളര്‍ നോട്ടുകളുടെ വലുപ്പത്തിലുളള ധാരാളം കറുത്ത നോട്ടുകളും പിടിച്ചെടുത്തിട്ടുണ്ട്.

ദോഹ ഇന്‍വെസ്റ്റിഗേഷന്‍ ഡിപ്പാര്‍ട്ട്മെന്റാണ് പ്രതികളുടെ അറസ്റ്റ് രേഖപ്പെടുത്തിയത്.തട്ടിപ്പ് നടത്തിയ പ്രതികൾ കുറ്റം സമ്മതിച്ചിട്ടുണ്ട്. നടപടിക്രമങ്ങള്‍ പൂര്‍ത്തിയാക്കുന്നതിനായി ഇവരെ ബന്ധപ്പെട്ട അധികാരികള്‍ക്ക് കൈമാറി.സംഭവത്തിന്റെ പശ്ചാത്തലത്തിൽ ജനങ്ങൾക്ക് ഖത്തര്‍ ആഭ്യന്തര മന്ത്രാലയം മുന്നറിയിപ്പ് നൽകി.

സാമ്പത്തിക ഇടപാടുകള്‍ അംഗീകൃത എക്സ്ചേഞ്ച് കമ്പനികളിലൂടെയോ ബാങ്കുകളിലൂടെയോ നടക്കുന്നുണ്ടെന്ന് ഉറപ്പാക്കുക. ബാങ്കിം​ഗ് സംവിധാനത്തിന് പുറത്ത് ആകര്‍ഷകമായ താല്‍പ്പര്യങ്ങളോടെ മണി എക്സ്ചേഞ്ച് സേവനങ്ങള്‍ പ്രോത്സാഹിപ്പിക്കുന്ന സ്ഥാപനങ്ങളുമായോ വ്യക്തികളുമായോ ഇടപെടുന്നത് ഒഴിവാക്കണമെന്നും ഖത്തര്‍ ആഭ്യന്തര മന്ത്രാലയം ജനങ്ങളോട് അഭ്യാര്‍ത്ഥിച്ചു.