പ്രവാസികൾക്ക് കൂടുതൽ സ്വകര്യപ്രദമായ യാത്ര ഒരുക്കാൻ ഇൻഡിഗോ കൂടുതൽ സര്‍വീസുകള്‍ നടത്താൻ ഒരുങ്ങുകയാണ്. കൊച്ചിയിൽ നിന്നും സൗദിയിലേക്ക് കൂടുതൽ സർവീസുകൾ തുടങ്ങലാണ് പദ്ധതി. ജൂണ്‍ 15 മുതലാണ് വിമാന സർവീസുകൾ തുടങ്ങുക. ജിദ്ദയിലേക്കും ദമ്മാമിലേക്കും ഇന്‍ഡിഗോ കൂടുതൽ സര്‍വീസുകള്‍ നടത്തും.

യാത്ര സുഗമമാക്കാൻ മാത്രമല്ല ടിക്കറ്റ് നിരക്ക് കുറയാനും ഇത് വഴിവെയ്ക്കുന്നാണ് വിലയിരുത്തൽ. കാരണം ഇൻഡിഗോ നടത്തുന്ന സർവീസുകൾക്ക് പുറമേ നിലവിൽ കൊച്ചിയില്‍ നിന്ന് സൗദി എയര്‍ലൈന്‍സും, എയര്‍ ഇന്ത്യ എക്‌സ്പ്രസും സര്‍വീസ് നടത്തുന്നുണ്ട്. ഈ സാഹചര്യത്തിൽ വിമാന ടിക്കറ്റ് നിരക്കിലും കിഴിവുണ്ടാകുന്ന പ്രതീക്ഷ തള്ളിക്കളയാനാകില്ല.

വിമാനത്താവളത്തിലെ തിക്കും തിരക്കും കൂടുതൽ സർവ്വീസുകൾ ആരംഭിക്കുന്നതിലൂടെ ഒഴിവാക്കാനും സാധിക്കുന്നു. പ്രവാസികൾക്ക് സൗകര്യപ്രദമാം വിധം യാത്ര ചെയ്യാൻ വിവിധ എയർലൈൻസുകളാണ് സജ്ജരായിരിക്കുന്നത്. യാത്രക്കാർക്ക് മികച്ച യാത്രാ അനുഭവം പകരാൻ എയർലൈൻസുകൾ തമ്മിലുള്ള മത്സരത്തിലും സാധ്യതയുണ്ട്.

ശരിക്കും പ്രവാസികൾക്കാകും ഇതിന്റെ ​ഗുണം ലഭിക്കുക. അത് യാത്രാ നിരക്കിലെ കിഴിവാണെങ്കിൽ കൂടുതൽ ലാഭകരമായി സൗദിയിലേക്ക് യാത്ര ചെയ്യാം. സൗദിയിലേക്കുളള യാത്രക്കാർക്കും പ്രവാസികൾക്കും സൗകര്യപ്രദമാകും ഇന്‍ഡിഗോയുടെ പുതിയ സര്‍വീസുകള്‍. കൊച്ചിയില്‍ നിന്ന് സൗദി എയര്‍ലൈന്‍സും, എയര്‍ ഇന്ത്യ എക്‌സ്പ്രസും സൗദിയിലേക്ക്  ആഴ്ചയില്‍ ആകെ 15 സര്‍വീസുകളാണ് നടത്തുന്നത്.

ഇന്‍ഡിഗോ കൂടി സര്‍വീസുകള്‍ ആരംഭിക്കുന്നതോടെ സൗദിയിലേക്കുള്ള സര്‍വീസുകളുടെ എണ്ണം ആഴ്ചയില്‍ 29 ആകും. കൊവിഡ് മൂലം ഏർപ്പെടുത്തിയിരുന്ന യാത്രാ നിയന്ത്രണങ്ങൾ പിൻവലിച്ചതോടെ തിരുവനന്തപുരം വിമാനത്താവളത്തിലുടെയുള്ള വിമാന സർവ്വീസുകളുടെ എണ്ണവും കൂട്ടിയിട്ടുണ്ട്. ഇതോടെ തിരുവനന്തപുരം വിമാനത്താവളവും യാത്രക്കാരെ കൊണ്ട് നിറയുകയാണ്.

രാജ്യാന്തര യാത്രക്കാരുടെ എണ്ണത്തിൽ വൻ വർധനവാണ് ഉണ്ടായിരിക്കുന്നത്. വിമാന സർവ്വീസുകളുടെ എണ്ണവും കൂട്ടിതോടുകൂടി യാത്രക്കാരുടെ എണ്ണം ഇരട്ടിയായി. കഴിഞ്ഞ വർഷം ഏപ്രിലിൽ 67,919 യാത്രക്കാരാണ് തിരുവനന്തപുരം വിമാനത്താവളം വഴി യാത്ര ചെയ്തത്. ഈ വർഷം മാർച്ചിൽ തന്നെ ഈ സംഖ്യയും കടന്നു.   ഏപ്രിൽ ആദ്യ ദിവസങ്ങളിൽ പ്രതിദിന യാത്രക്കാരുടെ എണ്ണം നാലായിരത്തിന് മുകളിലെത്തിയിരുന്നു.

എയർ ഇന്ത്യ എക്സ്പ്രസ്സ്, എയർ അറേബ്യ, എയർ അറേബ്യ അബുദാബി, എതിഹാദ്, എമിറേറ്റ്സ്, ഖത്തർ എയർവെയ്സ്, സലാം എയർ, ഫ്ലൈ ദുബായ്, ഇൻഡിഗോ, ഗൾഫ് എയർ, കുവൈത്ത് എയർവെയ്സ്, മാൽഡീവിയൻ എയർവെയ്സ്, സ്കൂട്ട്, ശ്രീലങ്കൻ ലൈൻസ് എന്നിവയാമ് നിലവിൽ തിരുവനന്തപുരത്ത് നിന്നും സർവ്വീസ് നടത്തുന്ന ഫ്ലൈറ്റുകൾ.