പ്രവാസികൾക്ക് ഇനിയെല്ലാം എന്ത് ഈസി...! ഇനി ആ സേവനം യു.എ.ഇയിലും, അവസരം ഒരുക്കി കേന്ദ്രം...!!
യുഎഇയിലെ പ്രവാസികൾക്ക് ഇനിയെല്ലാം ഈസി. അടിന്തരമായി പാസ്പോര്ട്ട് പുതുക്കേണ്ടവര്ക്ക് ക്യാമ്പ് ഏര്പെടുത്തി ദുബൈ ഇന്ത്യന് കോണ്സുലേറ്റ്. പ്രവാസികള്ക്ക് അടിയന്തരമായി ലഭ്യമാവേണ്ട പാസ്പോര്ട്ട് സേവനങ്ങള് ലഭ്യമാക്കുന്നതിന് വേണ്ടിയായിരിക്കും ക്യാമ്പ്.അടുത്ത രണ്ട് ഞായറാഴ്ചകളിലാണ് വാക് ഇന് പാസ്പോര്ട്ട് സേവ ക്യാമ്പുകള് നടത്തുന്നത്.
നാല് കേന്ദ്രങ്ങളിലും പ്രവാസികള്ക്ക് നേരിട്ടെത്തി ഓണ്ലൈന് അപേക്ഷ പൂരിപ്പിക്കാം. ദുബൈയിലെയും ഷാര്ജയിലെയും നാല് ബി.എല്.എസ് സെന്ററുകളില് രേഖകളുമായി നേരിട്ടെത്തിയാല് മതി. ആവശ്യമായ അനുബന്ധ രേഖകളും കൈവശമുണ്ടായിരിക്കണം. മുന്കൂര് അപ്പോയിന്റ്മെന്റിന്റെ ആവശ്യമില്ല. ആദ്യം എത്തുന്നവര്ക്ക് ആദ്യം എന്ന രീതിയിലായിരിക്കും അവസരം.
ആര്ക്കൊക്കെ പങ്കെടുക്കാം
അടിയന്തരമായി പാസ്പോര്ട്ട് പുതുക്കേണ്ടവര്ക്ക് ചികിത്സ, മരണം പോലുള്ള ആവശ്യക്കാര്ക്ക്ജൂണ് 30ന് മുന്പ് പാസ്പോര്ട്ട് കാലാവധി കഴിയുന്നവര്ക്ക് വിസ മാറുന്നവര്ക്കും വിസ കാലാവധി കഴിയുന്നവര്ക്കും
പഠന ആവശ്യങ്ങള്ക്കായി ഉടന് എന്.ആര്.ഐ സര്ട്ടിഫിക്കറ്റ് ആവശ്യമുള്ളവര്ക്ക് പൊലീസ് ക്ലിയറന്സ് സര്ട്ടിഫിക്കറ്റ് (ഉടന് ജോലി, ഇമിഗ്രേഷന്) ആവശ്യങ്ങളുള്ളവര്ക്ക് പഠന ആവശ്യങ്ങള്ക്കായി വിദേശത്തേക്ക് പോകാന് തയാറെടുക്കുന്നവര്ക്ക്
ബര്ദുബൈ മന്ഖൂല് റോഡിലെ അല് ഐന് സെന്ററിന് എതിര്വശത്തെ അല് ഖലീജ് സെന്റര്, ദുബൈ ദേര സിറ്റി സെന്റര്, ബര്ദുബൈ ബാങ്ക് സ്ട്രീറ്റിലെ ഹബീബ് ബാങ്ക് എ.ജി സുറിച്ച് അല് ജവാറ ബില്ഡിങിലെ പ്രീമിയം ലോഞ്ച് സെന്റര്, ഷാര്ജ എസ്.എസ്.ബി.സി ബാങ്ക് കെട്ടിടത്തിലെ എസ്.എസ്.ബി.സി സെന്റര് എന്നിവിടങ്ങളിലാണ് ക്യാമ്പ്.
മെയ് 22, 29 തീയതികളില് രാവിലെ പത്ത് മുതല് ഉച്ചക്ക് രണ്ട് വരെയായിരിക്കും ക്യാമ്പ്. 1.30 വരെ ടോക്കണ് നല്കും. ഓണ്ലൈനില് സമര്പ്പിച്ച അപേക്ഷയും ആവശ്യമായ രേഖകളുമായാണ് എത്തേണ്ടത്. സംശയങ്ങള്ക്ക് 80046342 എന്ന നമ്പറില് വിളിക്കാം.
https://www.facebook.com/Malayalivartha
