പ്രവാസികൾക്ക് ആശ്വാസ വാർത്ത,ഖത്തറിൽ പൊതു ഇടങ്ങളില് പ്രവേശിക്കാന് നെഗറ്റീവ് പിസിആര് പരിശോധനാഫലം ഇനി വേണ്ട, മാസ്ക്കും ഇനി നിര്ബന്ധമല്ല...!
പ്രവാസികൾക്ക് ആശ്വാസ വാർത്തയുമായി ഖത്തർ പൊതുജനാരോഗ്യ മന്ത്രാലയം. വാക്സിന് എടുക്കാത്തവര് പൊതു ഇടങ്ങളില് പ്രവേശിക്കാന് നെഗറ്റീവ് പിസിആര് പരിശോധനാഫലം വേണമെന്ന നിബന്ധന ഒഴിവാക്കി. കൂടാതെ മാസ്ക് ഇനി മുതല് നിര്ബന്ധിതമല്ലെന്ന് പൊതുജനാരോഗ്യ മന്ത്രാലയം അറിയിച്ചു.
അടച്ചിട്ട ഇന്ഡോര് പൊതു ഇടങ്ങളില് പ്രവേശിക്കാന് വാക്സിനോ, പിസിആര് പരിശോധനയോ ആവശ്യമില്ല. എന്നാല്, പ്രവേശനത്തിന് എഹ്തെറാസ് ആപില് പച്ച പദവി ആവശ്യമാണ്.കുത്തിവയ്പ് എടുക്കാത്ത പൊതു, സ്വകാര്യ മേഖലയിലെ ജീവനക്കാര്ക്കും ഓഫീസുകളില് പ്രവേശിക്കാന് ഇനി പിസിആര് ടെസ്റ്റ് വേണ്ട.
ആരോഗ്യ സംരക്ഷണ കേന്ദ്രങ്ങളില് ജോലി ചെയ്യുന്നവര്, പൊതുഗതാഗത വാഹനങ്ങളിലെ ജീവനക്കാര്, കാഷ്യര്മാര്, റിസപ്ഷനിസ്റ്റുകള്, സുരക്ഷാ ഉദ്യോഗസ്ഥര്, കെട്ടിടത്തിനകത്തെ കസ്റ്റമര് സര്വീസ് ജീവനക്കാര് എന്നിവര്മാത്രം മാസ്ക് ധരിച്ചാല് മതി.
അതേസമയം നിയമലംഘനങ്ങളുടെ പേരില് ഖത്തര് തൊഴില് മന്ത്രാലയം 4 റിക്രൂട്ട്മെന്റ് ഓഫീസുകള് കഴിഞ്ഞ ദിവസം അടപ്പിച്ചു. തൊഴിലുടമകളുമായുള്ള കരാര് വ്യവസ്ഥകള് പാലിക്കാത്തതിനാലും റിക്രൂട്ട്മെന്റ് ഓഫീസുകളെ നിയന്ത്രിക്കുന്ന മന്ത്രാലയത്തിന്റെ തീരുമാനങ്ങള് ലംഘിച്ചതിനാലുമാണ് വിദേശ തൊഴിലാളികളുടെ റിക്രൂട്ട് ചെയ്യുന്ന നാല് ഓഫീസുകള് ഖത്തര് തൊഴില് മന്ത്രാലയം .പൂട്ടിച്ചത്.
അല്-തഖദ്ദും മാന്പവര്, ഗോള്ഡന് ഏറോ മാന്പവര്, ഗ്രീന് ലാന്ഡ് മാന്പവര്, സിറ്റി ജോബ്സ് എന്നീ റിക്രൂട്ട്മെന്റ് സ്ഥാപനങ്ങളാണ് അടപ്പിച്ചത്.തൊഴില്, റിക്രൂട്ട്മെന്റ് നിയമങ്ങള് കൃത്യമായി പാലിക്കുന്നുണ്ടോ എന്ന് നിരീക്ഷിക്കുന്നതിനായി റിക്രൂട്ട്മെന്റ് ഏജന്സികളില് പരിശോധന കാമ്പെയ്നുകള് നടത്തുന്നത് തുടരുകയാണെന്ന് മന്ത്രാലയം അറിയിച്ചിട്ടുണ്ട്.
https://www.facebook.com/Malayalivartha
