പ്രവാസികൾക്ക് ഇനി ഇവയെല്ലാം വിലക്കുറവിൽ വാങ്ങാം, ഉപഭോക്താക്കളെ ആകര്ഷിക്കാന് വില കുറയ്ക്കാൻ അനുമതി, ഖത്തറിൽ സ്റ്റോറുകള്ക്ക് മുന്പില് ഇനി വിലവിവര പട്ടിക...!
പ്രവാസികൾക്ക് ഇനി വീട്ടിലേക്കുള്ള സാധനങ്ങൾ വിലക്കുറവിൽ വാങ്ങാം. ഉപഭോക്താക്കളെ ആകര്ഷിക്കാന് പരമാവധി പരിധിയില് നിന്ന് വില കുറയ്ക്കാൻ അനുമതി നൽകി ഖത്തർ വാണിജ്യ വ്യവസായ മന്ത്രാലം. ഇത് കൂടാതതെ രാജ്യത്തെ സ്റ്റോറുകള്ക്ക് മുന്പില് വിലവിവര പട്ടിക പ്രദര്ശിപ്പിക്കാന് നിര്ദേശം നല്കിയിരിക്കുകയാണ്.
ചരക്കുകളുടെ വില നിയന്ത്രിക്കുന്നതിന്, പച്ചക്കറികള്, പഴങ്ങള്, മത്സ്യം, മറ്റ് സമുദ്രവിഭവങ്ങള് എന്നിവയുടെ പ്രതിദിന വില ബുള്ളറ്റിന് മന്ത്രാലയം പ്രസിദ്ധീകരിക്കും. പഴങ്ങള്, പച്ചക്കറികള്, മത്സ്യം എന്നിവയുടെ പ്രതിദിന വില ബുള്ളറ്റിന് പ്രദര്ശിപ്പിക്കേണ്ടത് സ്റ്റോര് ഉടമകളുടെ ഉത്തരവാദിത്തമാണെന്നും അറിയിപ്പില് പറഞ്ഞു.
വ്യാപാരികള് നിര്ദേശം പാലിക്കേണമെന്ന് കര്ശനമായി നിര്ദേശിച്ചിട്ടുണ്ട്. കൂടാതെ വിലക്കയറ്റത്തെക്കുറിച്ചുള്ള പരാതികള് അന്വേഷിക്കാന് ഉദ്യോഗസ്ഥര് മാര്ക്കറ്റുകളില് പതിവായി പരിശോധന നടത്താറുള്ളതിനാല് വീഴ്ചകള് ശ്രദ്ധക്കപ്പെടുമെന്ന് മന്ത്രാലയം ഓര്മപ്പെടുത്തി.
അതേസമയം സൗദിയിൽ രാജ്യത്തെ മുഴുവന് ആരോഗ്യ സ്ഥാപനങ്ങളും അവ നല്കുന്ന ചികിത്സാ സേവനങ്ങള്ക്കായി ഈടാക്കുന്ന ചെലവുകള് ഔദ്യോഗിക വെബ്സൈറ്റുകള് വഴി പരസ്യപ്പെടുത്തണമെന്ന് സൗദി ആരോഗ്യ മന്ത്രാലയം വ്യക്തമാക്കുകയുണ്ടായി. ആരോഗ്യ മന്ത്രി ഫഹദ് അല് ജലാജില് അംഗീകരിച്ച ആരോഗ്യ സ്ഥാപന നിയമ ഭേദഗതിയിലാണ് ഇതുള്പ്പെടെയുള്ള നിര്ദ്ദേശങ്ങൾ നൽകിയിട്ടുള്ളത്.
പുതിയ ഭേദഗതി നിയമമായി വരുന്നതോടെ ഇതിന് വിരുദ്ധമാകുന്ന എല്ലാ നിയമങ്ങളും ചട്ടങ്ങളും അസാധുവാകുമെന്നും മന്ത്രാലയം വ്യക്തമാക്കി. ഔദ്യോഗിക ഗസറ്റില് പ്രസിദ്ധീകരിക്കപ്പെടുന്നതോടെയാണ് ഇവ നിയമമായി മാറുക. ജീവകാരുണ്യ സംഘടനകള്, സര്ക്കാരിതര സംഘടനകള്, സ്വകാര്യ ആരോഗ്യ സ്ഥാപനങ്ങള് നടത്തുന്നവര് തുടങ്ങിയവര്ക്കും പുതിയ നിയമങ്ങള് ബാധകമാണ്.
മെഡിക്കല് സേവനങ്ങളുടെ ഫീസ് പരസ്യപ്പെടുത്തണം എന്നതിനു പുറമെ, ആരോഗ്യ സ്ഥാപന നിയമവുമായി ബന്ധപ്പെട്ട എക്സിക്യൂട്ടീവ് ചട്ടങ്ങളില് സുപ്രധാനമായ മറ്റു മാറ്റങ്ങളും പുതിയ ഭേദഗതിയിലൂടെ കൊണ്ടുവന്നിട്ടുണ്ടെന്നും അധികൃതര് വ്യക്തമാക്കി.
https://www.facebook.com/Malayalivartha
