സൗദിയിൽ പിക്കപ്പ് വാന് മറഞ്ഞ് അപകടം, പ്രവാസി ഉൾപ്പെടെ മൂന്നു പേര്ക്ക് ദാരുണാന്ത്യം, മൂവരും പേരും മരിച്ചത് തലകീഴായി മറിഞ്ഞ വാഹനത്തിന്റെ അടിയില്പ്പെട്ട്...!!
സൗദി അറേബ്യയിലുണ്ടായ വാഹനാപകടത്തില് പ്രവാസി ഉൾപ്പെടെ മൂന്നു പേര്ക്ക് ദാരുണാന്ത്യം. പിക്കപ്പ് വാന് മറിഞ്ഞുണ്ടായ അപകടത്തില് ഒരു മലയാളിയും തമിഴ്നാട്, ബംഗ്ലാദേശ് സ്വദേശികളായ രണ്ട് പേരുമാണ് മരിച്ചത്. അപകടത്തില് വാഹനം തലകീഴായി മറിഞ്ഞു. തലകീഴായി മറിഞ്ഞ വാഹനത്തിന്റെ അടിയില്പ്പെട്ടാണ് മൂന്നു പേരും മരിച്ചത്.
കൊല്ലം കരുനാഗപ്പള്ളി സ്വദേശി പുത്തന്വീട്ടില് പടിറ്റതില് ഇസ്മായില് കുഞ്ഞിന്റെ മകന് മുഹമ്മദ് റാഷിദ് (32) ആണ് അപകടത്തിൽ മരണപ്പെട്ട മലയാളി.അല് ഹസയില് നിന്ന് 300 കിലോമീറ്റര് അകലെ ഹര്ദില് വെച്ച് കഴിഞ്ഞ ദിവസമായിരുന്നു അപകടം ഉണ്ടായത്. പിക്കപ്പ് വാന് മണല് കൂനയില് കയറി മറിയുകയായിരുന്നു. അപകടം നടന്ന ഉടന് അതുവഴി എത്തിയ സ്വദേശി പൗരന് ട്വിറ്ററില് പങ്കുവെച്ച വീഡിയോയിലൂടെയാണ് അപകട വിവരം പുറംലോകം അറിഞ്ഞത്.
അതേസമയം ഉംറ കഴിഞ്ഞു ഭര്ത്താവും മകനുമൊന്നിച്ച് മടങ്ങവേ ദേഹാസ്വാസ്ഥ്യം ഉണ്ടായതിനെത്തുടര്ന്ന് ആശുപത്രിയിൽ പ്രവേശിച്ചിരുന്ന കോഴിക്കോട് സ്വദേശി മരിച്ചു.പെരുവയല് സ്വദേശി മറിയുമ്മ കച്ചേരി പൂനത്തില് (62) ആണ് മരിച്ചത്.
കാന്സര് ബാധിതയായിരുന്നു. കിങ് അബ്ദുല് അസീസ് വിമാനത്താവളത്തില് വെച്ചാണ് ദേഹാസ്വാസ്ഥ്യം അനുഭവപ്പെട്ടത്.തുടർന്ന് ജിദ്ദ കിങ് അബ്ദുല്ല മെഡിക്കല് സിറ്റിയില് പ്രവേശിപ്പിക്കുകയായിരുന്നു. ജിദ്ദയില് ഖബറടക്കം നടത്തുന്നതിനുള്ള നടപടിക്രമങ്ങള് ജിദ്ദ കെ.എം.സി.സി വെല്ഫയര് വിങ്ങിന്റെ നേതൃത്വത്തില് പുരോഗമിക്കുകയാണ്.
https://www.facebook.com/Malayalivartha
