വാണിജ്യാടിസ്ഥാനത്തിൽ ചൂതാട്ടം നടക്കുന്നതായുള്ള വാർത്തകൾ പുറത്തുവരാറുണ്ട്. ഇപ്പോൾ ഒമാനിൽ ചൂതാട്ടം നടത്തിയ പ്രവാസികളെ പോലീസ് അറസ്റ്റ് ചെയ്തു. ഇരുപത്തിയഞ്ച് പ്രവാസികളാണ് റോയല്‍ ഒമാന്‍ പോലീസിന്റെ വലയിലായത്.ഏഷ്യന്‍ പൗരത്വമുള്ള 25 പ്രവാസികളാണ് ഫ്‌ലാഗ്രാന്റ് ഡെലിക്റ്റോയില്‍ അറസ്റ്റിലായത്.

ഒമാനിലെ അല്‍ ബുറൈമി ഗവര്‍ണറേറ്റ് പോലീസ് കമാന്‍ഡും മഹ്ദ സ്പെഷ്യല്‍ ടാസ്‌ക് പോലീസ് യൂണിറ്റിന്റെ സഹകരണത്തോടെയാണ് അറസ്റ്റ് ഉണ്ടായതെന്ന് റോയല്‍ ഒമാന്‍ പോലീസിന്റെ പ്രസ്താവനയില്‍ പറയുന്നു. കസ്റ്റഡിയില്‍ കഴിയുന്ന 25 പേര്‍ക്കെതിരെ നിയമനടപടികള്‍ പൂര്‍ത്തീകരിച്ചുവരികയാണെന്നും റോയല്‍ ഒമാന്‍ പോലീസിന്റെ അറിയിപ്പില്‍ പറയുന്നു.

അതേസമയം ഒരാഴ്ചയ്ക്കിടെ സൗദിയിൽ വിവിധ മേഖലകളില്‍ താമസ, തൊഴില്‍ നിയമങ്ങളും അതിര്‍ത്തി സുരക്ഷാ ചട്ടങ്ങളും ലംഘിച്ച 12,000 പേരെ അറസ്റ്റ് ചെയ്തു.മേയ് 19 മുതല്‍ മേയ് 25 വരെയുള്ള കാലയളവില്‍ സുരക്ഷാ സേനയുടെ വിവിധ യൂനിറ്റുകളും ജനറല്‍ ഡയറക്ടറേറ്റ് ഓഫ് പാസ്‌പോര്‍ട്ടും (ജവാസാത്ത്) നടത്തിയ സംയുക്ത ഫീല്‍ഡ് ക്യമ്പയിനിടെയാണ് അറസ്റ്റ്.