14 വര്ഷമായി ഭാഗ്യം പരീക്ഷിച്ചു, ബിഗ് ടിക്കറ്റിന്റെ പ്രതിവാര നറുക്കെടുപ്പില് ഇതാദ്യം, സുഹൃത്തുക്കളോടൊപ്പം ടിക്കറ്റെടുത്ത ജോര്ദാന് പൗരന് ഒരു കോടിയിലധികം സമ്മാനം...!
ബിഗ് ടിക്കറ്റിന്റെ പ്രതിവാര നറുക്കെടുപ്പില് പ്രവാസികളടക്കമുള്ളവർക്ക് വൻ തുക സമ്മാനമായി കിട്ടിയിട്ടുണ്ട്. ഇത്തവണ 14 വര്ഷമായി ഭാഗ്യ പരീക്ഷണം നടത്തുകയായിരുന്ന ജോര്ദാന് പൗരൻ ഇബ്രാഹിം ആബെദ് ലുത്ഫി ഒത്മാനാണ് ഒരു കോടിയിലധികം ഇന്ത്യന് രൂപ സ്വന്തമാക്കിയത്.ഇതാദ്യമായാണ് ബിഗ് ടിക്കറ്റിന്റെ പ്രതിവാര നറുക്കെടുപ്പില് ജോര്ദാന് പൗരൻ സമ്മാനർഹനാകുന്നത്.
ഈയാഴ്ചയിലെ പ്രതിവാര നറുക്കെടുപ്പില് ക്യാഷ് പ്രൈസിന് അര്ഹനാവാന് സാധിച്ചതില് അതിയായ സന്തോഷമുണ്ടെന്ന് ഒത്മാന് പറഞ്ഞു. 'കഴിഞ്ഞ 14 വര്ഷമായി ഞാനും എന്റെ മൂന്ന് സുഹൃത്തുക്കളും ചേര്ന്ന് ബിഗ് ടിക്കറ്റെടുക്കുകയാണ്. ഈയാഴ്ച സമ്മാന വിവരം അറിയിച്ചുകൊണ്ടുള്ള ഫോണ് കോള് എത്തിയപ്പോള്, അവസാനം നമ്മളെയും വിജയം തേടിയെത്തിയെന്ന സന്തോഷ വാര്ത്ത വലിയ ആവേശത്തോടെയാണ് ശ്രവിച്ചത്.
കഴിഞ്ഞ 14 വര്ഷമായി ബിഗ് ടിക്കറ്റിലെ സമ്മാനം പ്രതീക്ഷിച്ച് കഴിഞ്ഞ ജോര്ദാന് പൗരനും സുഹൃത്തുക്കളും ചേർന്ന് ഭാഗ്യപരീക്ഷണം നടത്തുകയയായിരുന്നു.ഒടുവില് അവരെത്തേടി സമ്മാനമെത്തിയപ്പോള് ടിക്കറ്റെടുക്കാന് പണം നല്കിയ എല്ലാവരും തുല്യമായി ഈ വലിയ തുക പങ്കുവെയ്ക്കാനൊരുങ്ങുകയാണ്.
ഒത്മാനെപ്പോലെ മേയ് മാസത്തില് ബിഗ് ടിക്കറ്റെടുത്ത എല്ലാവരും ആഴ്ച തോറും 5,00,000 ദിര്ഹം വീതം സമ്മാനമായി നല്കുന്ന ഇലക്ട്രോണിക് നറുക്കെടുപ്പിലും പങ്കാളികളാക്കപ്പെടും. മേയ് 31 വരെ ബിഗ് ടിക്കറ്റ് വാങ്ങുന്നവരെ ഉള്പ്പെടുത്തി നടക്കാനിരിക്കുന്ന ഈ മാസത്തെ ഏറ്റവും അവസാനത്തെ പ്രതിവാര നറുക്കെടുപ്പ് ജൂണ് ഒന്നിന് നടക്കും.
https://www.facebook.com/Malayalivartha
