ഷാർജയിൽ റോഡ് മുറിച്ച് കടക്കവേ കാറിടിച്ച് മലയാളി നഴ്സിന് ദാരുണാന്ത്യം.കഴിഞ്ഞ ദിവസം വൈകീട്ട് ഡ്യൂട്ടി കഴിഞ്ഞ് വരുമ്പോൾ അൽ നഹ്ദയിൽ വെച്ച് റോഡ് മുറിച്ചു കടക്കുന്നതിനിടെയാണ് അപകടം.

കാർ ചിഞ്ചുവിന്റെ പിന്നിൽ വന്ന് ഇടിക്കുകയായിരുന്നു. ഉടൻ തന്നെ അൽ ഖാസിമിയ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബർദുബായ് ആസ്റ്റർ ഹോസ്പിറ്റലിൽ നഴ്സായി ജോലി ചെയ്തു വരികയായിരുന്നു. മൃതദേഹം ഇന്നലെ സ്വദേശത്തേക്ക് കൊണ്ടുവന്നു.

അതേസമയം, കഴിഞ്ഞ രണ്ടു വര്‍ഷത്തിനിടെ ഒമാനിൽ 2541 വിദേശികളാണ് മരിച്ചത്. ഇതില്‍ 2092 പുരുഷന്മാരും 449 സ്ത്രീകളും ഉള്‍പ്പെടും. ദേശീയ സ്ഥിതിവിവരകേന്ദ്രത്തിന്‍റെ ഏറ്റവും പുതിയ കണക്കിലാണ് ഇക്കാര്യം പറയുന്നത്. എന്നാൽ കഴിഞ്ഞ രണ്ടു വര്‍ഷത്തിനിടെ രാജ്യത്ത് നടന്ന മൊത്തം മരണങ്ങളില്‍ 80 ശതമാനവും സ്വദേശികളാണെന്ന് റിപ്പോര്‍ട്ടില്‍ പറയുന്നു. ഏറ്റവും കൂടുതല്‍ സ്വദേശികള്‍ മരിച്ചത് കഴിഞ്ഞ ജൂണിലാണ്. 1338 പേര്‍ക്കാണ് അക്കാലയളവില്‍ ജീവന്‍ നഷ്ടമായത്.