യുഎഇയില് നഴ്സിങ് ലൈസന്സ് നേടാന് ഇനി പ്രവൃത്തിപരിചയം വേണ്ട
യുഎഇയില് നഴ്സിങ് ലൈസന്സ് നേടാന് ഇനി പ്രവൃത്തിപരിചയം വേണ്ട. നഴ്സിങ് ലൈസന്സ് നേടാന് കുറഞ്ഞത് രണ്ടുവര്ഷം പ്രവൃത്തിപരിചയം വേണമെന്ന നിബന്ധന യുഎഇ ഒഴിവാക്കി. രാജ്യത്തെ മുഴുവന് എമിറേറ്റിലും നഴ്സിങ് ബിരുദധാരികള്ക്ക് പ്രവൃത്തിപരിചയമില്ലാതെ തന്നെ ലൈസന്സ് നേടാനുള്ള പരീക്ഷയെഴുതാം.
ലാബ് ടെക്നീഷ്യന്മാര്ക്കും ഈ ഇളവ് ലഭ്യമാണ്. യുഎഇയിലെ ആരോഗ്യരംഗത്ത് നിയമിക്കുന്നവരുടെ വിദ്യാഭ്യാസ, പ്രഫഷണല് യോഗ്യത ഏകീകരിക്കുന്ന നടപടികളുടെ ഭാഗമായാണ് പുതിയ തീരുമാനം. മെഡിക്കല് ജീവനക്കാര്ക്ക് ലൈസന്സ് നല്കുന്ന ആരോഗ്യമന്ത്രാലയം, അബൂദബി ആരോഗ്യവകുപ്പ്, ദുബൈ ഹെല്ത്ത് അതോറിറ്റി, ഷാര്ജ ഹെല്ത്ത് അതോറിറ്റി എന്നിവയുടെല്ലാം പരീക്ഷകള്ക്ക് പുതിയ ഇളവ് ബാധകമായിരിക്കും.
നഴ്സിങ് ബിരുദപഠനം പൂര്ത്തിയാക്കിയ രജിസ്റ്റേര്ഡ് നഴ്സുമാര്ക്ക് രണ്ടുവര്ഷം പ്രവര്ത്തനപരിചയമില്ലാതെ തന്നെ പരീക്ഷയെഴുതാം. രണ്ടുവര്ഷത്തെ നഴ്സിങ് ബിരുദ കോഴ്സ് പൂര്ത്തിയാക്കിയ കാനഡ, യു.കെ, അയര്ലന്റ്, സൗത്ത് ആഫ്രിക്ക, ന്യൂസിലന്റ്, ആസ്ത്രേലിയ എന്നിവിടങ്ങളിലെ രജിസ്ട്രേഡ് നഴ്സുമാര്ക്കും പ്രവൃത്തി പരിചയമില്ലാതെ ലൈസന്സിന് അപേക്ഷിക്കാം.
https://www.facebook.com/Malayalivartha
