ഗൾഫിലെ സ്‌കൂളുകൾ മദ്ധ്യവേനൽ അവധിക്ക് അടച്ചതും ബലിപെരുന്നാളും അവസരമാക്കി കേരളത്തിലേക്കുള്ള ടിക്കറ്റ് നിരക്ക് വിമാന കമ്പനികൾ വർദ്ധിപ്പിച്ചിരുന്നു. പെരുന്നാളും വേനലവധിയും ഒന്നിച്ചെത്തിയതോടെ ഭീമമായ തുകമുടക്കിയാണ് പ്രവാസി കുടുബങ്ങൾ നാട്ടിലേക്ക് മടങ്ങിയത്. ഇതോടെ പ്രവാസി കുടുംബങ്ങൾക്ക് ടിക്കറ്റി നിരക്ക് ഉയർന്നതോടെ യാത്രമാറ്റിവയ്ക്കേണ്ട സാഹചര്യം വരെ ഉണ്ടായി.

കാരണം ടിക്കറ്റ് നിരക്ക് ഇരട്ടിയിലേറെയാണ് ഈ സമയത്ത് ഉയർന്നിരുന്നത്. ജൂലായിലെ ആദ്യ രണ്ട് ആഴ്ചകളിലായിരുന്നു ഏറ്റവും കൂടിയ നിരക്ക് ഈടാക്കിയിരുന്നത്. ഇപ്പോഴിതാ തിക്കും തിരക്കും എല്ലാം ഒഴിഞ്ഞതോടെ ടിക്കറ്റ് നിരക്ക് ഇടിഞ്ഞിരിക്കുകയാണ്.

ഗൾഫിൽ നിന്ന് കേരളത്തിലേക്കുള്ള യാത്രക്കാർ കുറഞ്ഞതോടെ ടിക്കറ്റ് നിരക്ക് കുറച്ച് വിമാന കമ്പനികൾ. ആഗസ്റ്റ് ആദ്യവാരം മുതൽ സാധാരണ നിരക്കിലേക്ക് വിമാന ടിക്കറ്റ് നിരക്കെത്തും എത്തും. ജൂലായ് ഒന്നിന് അടച്ച സ്‌കൂളുകൾ ആഗസ്റ്റ് അവസാനം തുറക്കുമെന്നതിനാൽ മിക്ക പ്രവാസി കുടുംബങ്ങളും ഇതിനകം തന്നെ നാട്ടിലെത്തിയിട്ടുണ്ട്.

അതേസമയം, പ്രവാസികളുടെ ഏറെ നാളത്തെ പരാതിക്ക് അങ്ങനെ പരിഹാരമായിരിക്കുകയാണ്. തിരുവനന്തപുരത്തേക്ക് ഉടന്‍ പുതിയ സര്‍വീസുമായി ഇന്‍ഡിഗോ എത്തും. പ്രവാസികളുടെ ഏറെ നാളത്തെ പരാതിക്കാണ് ഇതോടെ പരിഹാരമായിരിക്കുന്നത്. ഇന്ത്യയുടെ ബജറ്റ് വിമാനമായ ഇന്‍ഡിഗോ മസ്കത്തില്‍ നിന്ന് തിരുവനന്തപുരത്തേക്ക് സർവീസ് ഉടന്‍ പുതിയ സര്‍വീസ് നടത്തുമെന്ന് ഒമാന്‍ എയര്‍പോര്‍ട്ട്സ് അറിയിച്ചു.

തിരുവനന്തപുരം കൂടാതെ ലഖ്നോവിലേക്കും ഇന്‍ഡിഗോ ഉടന്‍ പുതിയ സര്‍വീസ് ആരംഭിക്കും തിരുവനന്തപുരത്തേക്ക് രണ്ടും ലഖ്‌നോവിലേക്ക് നാലും വീതം സര്‍വിസുകളാണ് ആഴ്ചയില്‍ നടത്തുക. മസ്‌കത്തില്‍നിന്ന് തിരുവനന്തപുരത്തേക്കുള്ള വിമാനം ഞായര്‍, തിങ്കള്‍ ദിവസങ്ങളിലായിരിക്കും സര്‍വീസ്.

ഇവിടെനിന്ന് രാത്രി 11. 35ന് പുറപ്പെടുന്ന വിമാനം പുലര്‍ച്ച അഞ്ചു മണിക്ക് തിരുവനന്തപുരത്തെത്തും. ഞായര്‍, തിങ്കള്‍, ബുധന്‍, വെള്ളി ദിവസങ്ങളിലായിരിക്കും ലഖ്‌നോവിലേക്കുള്ള വിമാനം. മസ്കത്തില്‍നിന്ന് പുലര്‍ച്ച 3.35ന് പുറപ്പെടുന്ന വിമാനം 8.30ന് ലഖ്നോവില്‍ എത്തും. തിരുവനന്തപുരത്തേക്കുള്ള പുതിയ സര്‍വീസ് നിരവധി പ്രവാസികള്‍ക്ക് ഏറെ ഗുണകരമാകും.