ഗൾരാഷ്ട്രങ്ങളിൽ നിയമക്കുരുക്കിൽപ്പെട്ട് നാട്ടിലേക്ക് മടങ്ങുന്ന പ്രവാസികളുണ്ട്. ഇവർ പുതിയ വിസയില്‍ തിരിച്ചെത്തുമ്പോള്‍ പ്രവേശന വിലക്ക് നേരിടുന്നത് പതിവാകുന്നതായി ഇപ്പോൾ പരാതി ഉയർന്നിരിക്കുകയാണ്. സൗദിയില്‍ നിന്നും നിയമക്കുരുക്കിലകപ്പെട്ട് പോകുന്ന പ്രവാസകൾക്കാണ് തിരിച്ചെത്തുമ്പോൾ ഇത്തരത്തിലൊരു അനുഭവം ഉണ്ടായത്.

രാജ്യത്തെ കേസ് ഫയലുകള്‍ ഡിജിറ്റലൈസ് ചെയ്തതോടെ വര്‍ഷങ്ങള്‍ പഴക്കമുള്ള കേസുകളിലടക്കം പ്രവേശന വിലക്കും തുടര്‍ കേസ് നടപടികളും നേരിടേണ്ടി വരുന്നവരുടെ എണ്ണം വര്‍ധിച്ചതായും ഈ രംഗത്തുള്ളവര്‍ പറയുന്നു.മുമ്പ് സൗദിയില്‍ വെച്ച് ക്രിമിനല്‍ കേസുകളില്‍ ഉള്‍പ്പെടുകയും ശേഷം നാട്ടിലേക്ക് മടങ്ങുകയും ചെയ്തവര്‍ക്കാണ് പ്രവേശന വിലക്ക് ലഭിക്കുന്നത്. വര്‍ഷങ്ങള്‍ക്ക് മുമ്പ് കേസിലകപ്പെട്ടവര്‍ക്കും നടപടികള്‍ നേരിടേണ്ടി വരുന്നതായും അനുഭവങ്ങള്‍ വ്യക്തമാക്കുന്നതായി സാമൂഹ്യ രംഗത്തുള്ളവര്‍ പറയുന്നു.

ഇത്തരത്തിലുള്ളവർ യാത്രക്ക് മുമ്പായി സൗദിയിലെ സാമൂഹ്യ പ്രവര്‍ത്തകര്‍ മുഖേനയോ നിയമവിദഗ്ദര്‍ മുഖേനയോ സുരക്ഷാ വകുപ്പുമായി ബന്ധപ്പെട്ട് വിലക്കുകളൊന്നുമില്ലെന്ന് ഉറപ്പ് വരുത്തണമെന്നും സാമൂഹ്യ പ്രവര്‍ത്തകര്‍ പറയുന്നത്. നിയമക്കുരുക്കിൽപ്പെട്ട് നാട്ടിലേക്ക് പോയി തിരിച്ചു മടങ്ങാൻ ആ​ഗ്രഹിക്കുന്നവർ ഇക്കാര്യം കൃത്യമായി അന്വേഷിച്ച് വിവരങ്ങൾ തേടിയ ശേഷം മാത്രം യാത്ര തിരിക്കുക.

അതുപോലെ മങ്കിപോക്സ് രോഗലക്ഷണങ്ങൾ ഉള്ളവർക്ക് സൗദി യാത്ര വിലക്ക് ഏർപ്പെടുത്തി. സൗദി പബ്ലിക് ഹെൽത്ത് അതോറിറ്റി ആണ് ഇതുമായി ബന്ധപ്പെട്ട മുന്നറിയിപ്പ് നൽകിയത്. രാജ്യത്ത് അസുഖം പകരുന്നത് തടയാൻ വേണ്ടിയാണ് ഇത്തരത്തിലുള്ള സംവിധാനവുമായി സൗദി രംഗത്തെത്തിയിരിക്കുന്നത്.മുൻകരുതൽ നടപടികളുടെ ഭാഗമായി വിമാന യാത്രക്കാർക്ക് ആണ് ആദ്യം വിലക്ക് സൗദി ഏർപ്പെടുത്തിയിരിക്കുന്നത്.

രോഗത്തിന്റെ ലക്ഷണങ്ങൾ ഉള്ളവർ, രോഗമുള്ളവർ, സമ്പർക്ക വിലക്ക് ഏർപ്പെടുത്തിയവർ എന്നിവർക്ക് ആണ് വിമാന യാത്ര വിലക്ക് ഏർപ്പെടുത്തിയിരിക്കുന്നത്. യാത്രക്ക് ഒരുങ്ങുന്നതിന് മുമ്പ് തന്നെ രോഗം ഉണ്ടോയെന്ന് പരിശോധിക്കണം. ലക്ഷണം കണ്ടാൽ യാത്രകൾ മറ്റൊരു ദിവസത്തേക്ക് മാറ്റണം.

മാസ്ക് ധരിക്കുക, സോപ്പും വെള്ളവും ഉപയോഗിച്ച് കൈകൾ കഴുകുക എന്നിവയാണ് ഇത് പ്രതിരോധിക്കാൻ വേണ്ടി ചെയ്യേണ്ട കാര്യങ്ങൾ. ത്വക്കിലോ ജനനേന്ദ്രിയത്തിലോ മുറിവുകൾ ഉണ്ടെങ്കിൽ ശ്രദ്ധിക്കണം. അവരുമായി സമ്പർക്കം ഒഴിവാക്കണം. ഇയാൾ ഉപയോഗിക്കുന്ന സാധനങ്ങൾ പരമാവധി ഉപയോഗിക്കാതെ ഇരിക്കുക. ഇയാൾക്ക് മസാജ് ആവശ്യം ഉണ്ടെങ്കിൽ അത് നൽകാതിരിക്കുക. ആൾക്കൂട്ടത്തിൽ നിന്നും ഇയാളെ പരമാവധി ഒഴിവാക്കുക. ഇവർക്ക് ആവിശ്യമുള്ള നിർദേശങ്ങൾ നൽകണം.